DOLE NANGILATANG ITI P73-M PARA KADAGITI LUGAR A NAAPEKTARAN ITI GINGINED SADIAY REHION TI ILOCOS

August 13, 2022 Headlines

Nangilatang iti Department of Labor and Employment (DOLE) iti PhP73 milion para kadagiti programa a mangtulong kadagiti agub-ubra ken pamiliada nga naapektaran iti magnitude 7 a gingined a nangsaplit iti amianan a Luzon idi Hulio 27. Iti maysa nga interbiu idi Mierkoles, imbaga ni DOLE Ilocos Region information
officer Justin Marbella nga iti gatad ket “collective total of disbursed and obligated funds” para iti nadumaduma a
programa, kas iti emergency employment, livelihood intervention, government internship, ken financial assistance kadagiti naawanan ti trabaho nga overseas Filipino workers (OFWs). “Babaen iti programa aTulong Panghanapbuhay sa Ating Disadvantaged/ Displaced Workers (TUPAD) nga addaan PhP11.5 milion a pondo, nangted iti DOLE iti 15- aldaw a trabaho para iti 1,975 a trabahador iti rehion, nga nadutukan itan para iti panagdalus ken nalag-an a panagtarimaan kalpasan iti gingined.

Agdalusda met kadagiti siled-pagadalan iti Brigada Eskwela. Agarup 1,425 a trabahador ti TUPAD ket manipud Ilocos Sur, 450 manipud Ilocos Norte, ken 100 manipud La Union),” kunana. Malaksid kadagiti aktibidad a responde iti gingined, agtultuloy met nga ipatpatungpal ti ahensia dagiti regular a programana a panggep a mapalag-an iti epekto ti inflation kadagiti marigrigat a pamilia. Iti maysa a pagsasao, imbaga ni DOLE Ilocos regional director atty. Evelyn Ramos a nadumaduma a programa ken proyekto iti madama a nayaplag tapno tamingen dagiti pakaseknan dagiti trabahador, kasta met dagiti mangimpleo, a timmaud gapu iti natural a didigra dua a lawas iti napalabas.

“Padayawan iti DOLE Ilocos regional office iti livelihood starter kits dagiti 157 skills trainees babaen iti maysa
a pannakiasmang iti Technical Education and Skills Development Authority (TESDA). Dagiti starter kits
nga aggatad PhP30,000 nga adda sidong iti DOLE Integrated Livelihood Program a rangtana a mangyussuat iti
bukod-a-panggedan dagiti TESDA NC II training graduates iti kabarbaro-anagun- oddanda a kinalaing iti
panagallawagi, panagmason, wenno panagkabit iti linia ti koriente,” kunana.

Nadumaduma a proyekto ti pagsapulan ket naited kadagiti benepisario manipud Aguilar, Dagupan City, Calasiao, ken Sta. Barbara idiay Pangasinan nga addaan dagup a PhP1.8 milion iti naiwaras. “Nagunggonaan dagiti
proyekto ti panggedan dagiti mannalon, persons with disabilities, lesbian, gay, bisexual, miembro iti karkarna,
ken naawanan trabaho a transport workers,” innayonna.

Intuloy met iti DOLE iti panangiwaras iti tulong a pinansial kadagiti naawanan trabaho nga OFWs baeten iti
Abot Kamay ang Pagtulong (AKAP) nga agarup 4,752 OFWs iti makaawat iti tulong a PhP10,000 tunggal maysa,
nga addaan dagup a gatad ti PhP47.5 milion a nakasaganan a maiwaras.

(HA-PNA Ilocos/PMCJr.-ABN)