Ika-72 Fil-Am Friendship Day, ipinagdiwang ng Baguio

July 6, 2018 Latest News

LUNGSOD NG BAGUIO – Idinaos sa isang simpleng programa ang ika-72 Filipino-American Friendship Day noong Hulyo 04, 2018 bilang pagkilala sa mga naiambag ng mga Amerikano sa pag-unlad ng lungsod.
Ang pagdiriwang ay may tatlong bahagi. Una ay ang simultaneous wreath-laying rites na nagsimula ng 8 ng umaga sa tatlong memorial sites, Maj. Lyman W. Kennon Road na pinangunahan ng mga Army Retirees Association ng Cordillera Administrative Region, Veterans Federation of the Philippines, at United States Army Forces in the Philippines- Northern Luzon; Arch. Daniel H. Burnham bust sa Rose Garden kasama ang City Social Welfare and Development Office, Office of Senior Citizens Affairs, Baguio Elderly Assembly, National Correspondents Club of Baguio at Boy Scouts of the Philippines; at Site of the First Philippine Commission, Governor Pack Road kasama ang mga veterans of foreign war, Fleet Reserve Association, Ladies Auxiliary of the Fleet Reserve Association at Girl Scouts of the Philippines.
Pangalawa ay ang programa sa Malcom Square na sinimulan sa pag-awit ng Lupang Hinirang, pagkanta ng Star Spangled Banner ng United States at ang pagkanta ng Baguio Hymn ng mga estudyante ng Baguio City National High School Special Program in the Arts.
Malugod na sinalubong ni Councilor Elmer O. Datuin ang mga bisita at nagbigay naman ng inspirational message si Mayor Mauricio Domogan.
Ang panghuling bahagi ay ang “Kultura O-Rama” para sa mga miyembro ng  Fil-Am community, war veterans at mga senior citizens sa PFVR Sports Center.
Binuksan ni City Social Welfare and Development Officer Betty F. Fangasan ang programa na kung saan kinoronahan ang Lakan at Lakambini ng Fil-Am 2018. Ngayong taon ang nakoronahan na Lakan ay si Stephen Loman, Mixed Martial Arts World Brave Combat Federation Bantamweight Champion, at ang Lakambini naman ay si Rossalyn Ann Johnson ng University of the Cordilleras.
Ang coronation ng Lakambini at Lakan ay pinangunahan nina Soledad Go, Rebecca Domogan, Lilia Fariñas, at Atty. Carlos M. Canilao kasama ni Fangasan.
Nagtanghal ng mga presentasyon ang Federation of Baguio Senior Citizen Associations (FBASECA), Blessed Association of Retired Persons Foundation (BARPF) at ang Philippine Government Retied Employees Association (PGREA) at ang Saeng ya Kasay Ensemble ng University of the Cordilleras para sa Kultura O-Rama. JEZZA MAEH NAGAYOS, UC INTERN