SOLAR TECHNOLOGY MANGPADUR-AS ITI PRODUKSION TI ASIN ITI ILOCOS NORTE

December 9, 2023 Headlines

BURGOS, Ilocos Norte

Ti matmatayen a produksion ti panagmula ti asin ket agsubsubli manen iti maysa a purok ti kosta ti Saoit sadiay Burgos, Ilocos Norte nga addaan napabaro a panagregget tapno maidanon iti enerhia ti init kadagiti patad ti asin. Idi un-unana a panawen, agubra dagiti mannalon ti asin iti sirok ti makasinit a pudot ti init tapno makapataud iti asin manipud naapgad a danum ti allawig. Nupay kasta, kaaduan kadakuada ket dandani di umdas ti magun-odda a pangsuporta iti pamiliada.

Imbaga ni Larry Baniaga, pangulo ti Burgos Salt Makers Association nga adda iti dumakdakkel a panagkasapulan para iti solar salt ti food processing industry kasta met para iti chemical ken water
treatment industries, ken manginanamada nga iti panagusar iti teknolohia ket mabalbaliwanna ti biagda iti nasaysayaat.

Imbaga ni Baniaga nga agyamanda iti panagtitinnulong a panagregget dagiti nadumaduma nga ahensia ti gobierno kas iti Department of Science and Technology, Bureau of Fisheries and Aquatic Resources, Don Mariano Marcos Memorial State University ken dagiti local government unit ti Burgos ken Ilocos Norte para iti tulong kadakuada tapno maparmek ti kinapanglaw bayat a masigurado iti maysa a nataltalged ken makaay-ayo iti aglawlaw nga alternatibo a pamay-an iti panagtalon ti asin.

Kalpasan iti nabiit pay a panagsanayda iti solar sea salt production nga agus-usar iti high-density polyethylene, imbaga ni Baniaga nga iti produksionda iti asin ket nagbalinen ng ad-adda a
makikompetensia iti merkado. “Nadaldalus ken nasaysayaat ti kalidadna ngem iti dati,” kuna ni Baniaga nga imbagana nga iti solar drying method ket ad-adda nga ekonomiko ken makaay-ayo iti aglawlaw ngem iti tradisional a pamay-an ti panagluto no sadino a masapul nga agurnongda iti kayo manipud kadagiti bantay tapno agluto ti asin.

Iti Barangay ti Saoit ken Pagali laeng, imbaga ni Baniaga nga makaaramidda ti promedio a 15 a tonelada nga asin iti linawas. Iti agdama a presio ti asin ket naikabil iti PhP35 kada kilo wenno PhP1,500 kada sakonga 50 kilo. Iti kangatuan aproduksion ti asin ket manipudMarso agingga Hunio.“Ti produksionmi ti asin,nupay daytoy ket seasonal, ketdakkel a tulong para kadakamikas alternatibo a gubuayan timatgedan,” kuna ni Baniaga akaaduan kadagiti lumugar ketagpannuray iti panagtalon kenpanagkalap.

Tapno mapasayaat itiproduksion ken suplay ti asinkadagiti ili nga agpatpataud itiasin ti Ilocos Norte, iti gobiernoti Ilocos Norte ken dagitikakadua nga ahensia ketnagpirma iti maysa a
memorandum of understandingidi marso 3, 2023 para itiproyekto nga “One ASIN”(Accelerating Salt Innovationin Region 1) sadiay RegionalFreshwater AquacultureTechnology Demonstration
Center (RFATDeC) iti Paoay,Ilocos Norte.

Panggep ti proyekto ngapasayaaten iti pagsapulan dagiti agar-aramid ti asin, kangrunaan kadagiti ili ti Currimao, Badoc, Pasuquin, Vintar, Pinili ken Burgos nga nakaawat iti dandani PhP2 milion a gatad ti tulong tapno mapasayaat dagiti produksionda.

(LA-PNA Ilocos/PMCJr.-ABN)