11 INSIDENTE A MAINAIG KADAGITI PAPUTOK NAIREKORD ITI REHION ILOCOS

December 29, 2023 Headlines

REHIYON ITI IOCOS

Inulit dagiti autoridad iti awagda tapno malappedan iti saan nga autorisado a panagidulin ken
panangaramat kadagiti paputok iti panangsangbay iti baro a tawen ta nairekord ti Rehion Ilocos iti 11 insidente a mainaig iti paputok manipud Disiembre 21 agingga 26 ita a tawen. Iti kaudian nga insidente ket napasamak idi rabii iti aldaw ti paskua iti barangay Malued sadiay Dagupan City no sadino iti saan nga autorisado a panagidulin kadagiti paputok ket naikagapuan iti panagbettak, nandangran iti lima a tattao ken pannakadadael iti 21 balbalay iti lugar, sigun kenni Capt. Renante dela Cruz, Pangasinan Police provincial Office (PPPO) public relations officer.

“Kahit personal use hindi pupwede dahil according to Executive Order (EO) 28 signed in 2017 na authorized lamang na tao at kung saang lugar lamang pwede mag-imbak,” kinunana iti maysa nga interbiu idi Mierkoles. Dagiti paputok a naidulin iti uneg ti balay a maar-aramid iti Barangay Malued ket bimtak idi maysa kadagiti biktima ket nagsindi iti maysa a sigarilio kabayatan iti panainumda, kinunana. Naibasar iti damo nga imbestigasion iti poliica ken Bureau of Fire Protection Dagupan City, iti epekto ti panagbettak ket naapektaran iti 21 a balbalay a nabuong dagiti sarming ti tawtawa ken sabali pay a paset dagiti balay.

Agdama nga agimbestigarda no asino ti responsable iti ilegal a panagidulin kadagiti paputok.
Kabayatanna, iti maysa a naisina nga interbiu, imbaga ni Dr. Rheuel Bobis, Department of Health Center for Health Development Ilocos Region medical officer a pito pay nga insidente a mainaig iti paputok iti naipadamag iti Pangasinan, tallo manipud La Union ken maysa manipud Ilocos Sur.

Dagiti 11 a biktima ket nagsagaba iti pannakauram ken pannakadangran iti mata, kinuna ni Bobis.
Immawag ni Bobis ken Dela Cruz kadagiti nagannak ken kadagiti mangaywan a kitaenda dagiti annakda iti tengnga iti panagraragsak ti bakasion. “Dapat hindi binibigyan anumang uri ng paputok ang mga kabataan or mga matatanda. Ang nirerecommend nga po natin ay yong mga alternatibong pampaingay or pagsama sa community
fireworks display,” kuna ni Bobis.

(HA-PNA Ilocos/PMCJr.-ABN)