14 LGU TI ILOCOS NORTE KARAMAN ITI ‘MOST CHILD FRIENDLY PLACES’ TI PILIPINAS

June 11, 2022 Headlines

ILOCOS NORTE – Katorse a local government units (LGUs) iti Ilocos Norte iti nabigbig a kas ‘most childfriendly places’ iti pagilian, maibasar iti kaudian a panangmatmat ti Council for the Welfare of Children (CWC).
Iti 315 a maikari a local government units para iti seal of child-friendly local governance ti intero a pagilian, innaganan iti Department of Interior and Local Government (DILG) idi Huebes (Hunio 9) dagiti siudad ti Ilocos Norte a Batac ken Laoag, kasta met, dagiti munisipio iti Adams, Bacarra, Bangui, Burgos, Currimao, Dumalneg, Banna, Nueva Era, Pagudpud, Piddig, San Nicolas ken Vintar iti probinsia a kas most child-friendly, nangnangruna iti panangited kadagiti sosial a serbisio a mangitandudo iti pagimbagan dagiti ubbing.
Iti gobierno nasional, nga idanguluan iti CWC ket nangikeddeng iti estandarte a naipamaysa iti salun-at, edukasion, mangsalaknib, ken pannakipaset dagiti ubbing.
“We are so proud of this another achievement of our city because we are able to sustain the good practices of being a child-friendly city (pagpannakkelmi daytoy maysa manen a naaramid ti siudadmi gapu ta napabilegmi iti nasayaat nga ugali a kas mannakigayyem-iti-ubing a siudad),” kuba ni mayor Albert Chua iti Batac City idi Huebes bayat a kinablaawanna dagiti sabali a local government units iti probinsia a nakapasa iti childfriendly assessment.
Dagiti pagrukudan a nausar tapno matingiting dagiti LGU ket child survival, development, protection, participation, ken governance, kasta met iti overall performance dagiti LGU iti panangipatungpal kadagiti polisia, programa, proyekto ken serbisio iti child-friendly.
Iti audit-generated data ken dagiti resulta ket usaren dagiti amin nga LGU ken maseknan nga ahensia ti gobierno tapno tukuyen dagiti pigsa ken gundaway a mangipasigurado ken maitandudo dagiti karbengan ti ubbing maipanggep iti lokal a
panangwaridwid iti pagilian.
Kas paset iti agtultuloy a regget iti gobierno ti probinsia tapno maaramid a mabalin a pagnaedan a probinsia iti Ilocos Norte, ad-adu pay a “3G parks” iti masimsimpa ken maitakder asideg kadagiti munisipio ken publiko nga eskuelaan tapno paregtaen iti ad-adu nga ubbing nga agay-ayam iti ruar imbes nga agpupok iti uneg ti balay, a nakatutok a panay kadagiti telebision ken gadgets.
Iti 3G park ket maysa a communal space a sadino a dagiti ubbing, nataengan ken lallakay ken babbaket ket mabalinda nga aguummong ken makipaset iti aktibo a panagay-ayam wenno ehersisio iti maysa nga aglawlaw nga agpada a natalged ken maipaay para iti paglinglingayan.
Panggep ti Ilocos Norte a mangipasdek iti uray 12 communal parks iti 21 nga ili ken dua a siudad daytoy, iti maysa a regget a mangitandudo iti masya nga aktibo nga estilo ti panagbiag ken intero a pagimbagan ti kimunidad.
“I’m looking forward to a continued partnership between the municipal and city government units and the provincial government to focus more on health and wellness, to have a place for family picnic or get together with friends of all ages (padaanak iti maysa nga agtultuloy a panagkadua dagiti munisipio ken gobierno dagiti siudad ken gobierno ti probinsia a mas ipamaymaysa iti salun-at ken pagimbagan, tapno maaddaan iti maysa a lugar para kadagiti pamilia nga agpiknik wenno aguummong kadau dagiti gagayyem aniaman ti edadda,” kuna ni Governor Matthew Joseph Manotoc iti maysa nga interbiu.
Iti panangpatakder kadagiti 3G park ket napondoan iti sidong ti special educational fund ti gobierno ti Ilocos Norte a nairanta para dagiti pagliwliwaan nga aktibidades ken papigsaen dagiti relasion ti komunidad.
(LA-PNA Ilocos/PMCJr.-ABN)