19% NAKSAY ITI ILOCOS ENROLLEES ITI TENGNGA TI PANDEMIA

September 19, 2021 Headlines

SIUDAD TI DAGUPAN – Iti bilang dagiti estudiante a nag-enrol para ita a school year iti Rehion Ilocos ket 1.04 milion, 18.93 porsiento a nababbaba ngem iti 1.29 milion a nairekord idi napalabas a tawen.
Iti maysa nga interbiu idi napalabas a lawas, kinuna ni Department of Education (DepEd) Ilocos Region Public Affairs Unit head Cesar Bucsit nga awan kadagiti 14 School Division Offices (SDOs) iti region ti nakaragpat iti 100-percent enrolment turnout, nupay kasta nagun-od ti Batac sadiay Ilocos Norte iti 96.48 porsiento.
Kinuna ni Bucsit nga sinanamada nga iti bilang ti enrollees ken ngumato pay gapu ta agtultuloy nga umawawat iti DepEd kadagiti estudiante agingga Setiembre 30.
“Patuloy pa rin ang ating massive information dissemination kasama ang ating SDOs in the entire region para mahikayat ang ating mga magulang na ipa-enroll ang kanilang mga anak”, kunana iti pagsasao a Tagalog.
Impabiang ni Bucsit iti kasta unay a naksay iti enrollment turnout iti agtaltalinaed a peggad ti coronavirus disease 2019 (Covid-19).
Iti tengnge ti pandemia, usaren pay laeng ti DepEd iti blended methods of instruction, kas iti modular learning wenno online classes, depende nu ania iti maitutop para kadagiti estudiante wenno kadagiti mannursuro.
“Ating ipinapaliwanag na malabo itong kanilang sinasabi na posibleng pagkahawa dahil sa Covid-19 considering na wala namang face-to-face interaction na magaganap,” innayonna.
Impasiguro pay ni Bucsit kadagiti nagannak nga iti minimum health and safety protocols ket siiinget a maipatungpal nu mangala iti learning modules dagiti annakda. Binaliwan dagiti dadduma a local government units sadiay Pangasinan iti panaglukat iti klase a Setiembre 13 iti Oktubre 4 gapu iti iyaadu ti kaskaso ti Covid-19 iti probinsia.
(JJP-PNA Ilocos/PMCJr.-ABN)