36 LSIs nakasublin ti Ilocos Sur babaen ti ‘Hatid Tulong’

July 11, 2020 Headlines

TAGUDIN, Ilocos Sur – Agadup 36 a locally stranded individuals (LSIs) manipud National Capital Region iti simmangpet iti probinsia ti Ilocos Sur idi rabii ti Domingo (Hulio 5) baeten iti ‘Hatid Tulong’ nga impamuspusan ti Office of the President ken naduma-duma pay a national government agencies.
Dagiti nasao nga LSIs ket inlugan ti Partas Transportation Co., Inc. manipud Quirino Grandstand agingga iti drop-off point sadiay beddeng ti Tagudin.
Iti umuna a grupo ti 21 a tattao ket simmangpet 9:45 iti rabii, nga sinaruno ti maysa pay a grupo ti 15 nga LSIs agarup 10:04 iti rabii.
“Ang protocol kasi ng Ilocos Sur ay kailangan lahat ng darating na LSIs at returning overseas Filipinos ay i-drop-off sa Taguidin or Sinait border, wherever their entry point is,” kuna ni Dr. Trina Talaga, chief iti Ilocos Sur Provincial Hospital-Gabriela Silang.
Kalpasan ti beripikasion, naipasidong dagiti LSIs iti initial medical screening ken panangsungbat iti health declaration forms.
Sakbay nga maiyawat dagiti LSI kadagiti bukodda a local government units (LGUs), tunggal maysa nga LSI ket inikkan ti Department of Social Welfare and Development (DSWD) iti food pack nga buklen iti kinilo-kilo a bagas, delata, kape ken mamerienda.
Babaen iti koordinasion ti Department of the Interior and Local Government (DILG) kadagiti maseknan nga LGUs, naisagana iti luglugan tapno maipasigurado nga dagiti stranded individuals ket makasubli kadagiti ilida nga natalged.
Dua a provincial bus ti nakasagan sadiay lugar kas back-up no kaspagarigan nga saan nga makapaitulod iti umawat kuma nga LGU iti lugan para kadagiti sumangpet nga LSIs. Dagitoy nga tattao ket maipasidong iti mandatory a 14-day facility-based quarantine kadigiti ilida.
“In our province, that’s the best control that we have practice na ang lahat ng LSIs ay diretso sa quarantine facilities,” kuna ni Talaga.. Maysa a briefing iti naaramid kinamalemanna kadagiti regional ken provincial line agencies nga nagserbi a kas receiving team tapno maipasigurado iti nasayaat nga pannakaiyawat ken iti protocols ket masurot.
Kabayatanna, dagitoy nga tattao nga naipasubli kadagiti babbalayda kalpasan iti mano a bulan nga napupok sadiay Metro manila ket nagyaman unay iti nasao nga programa, iti League of Municipalities of the Philippines (LMP), ken kadagiti nadumaduma a government agencies nga timmulong kadakuada.
Kinuna ti maysa nga LSI nga agawid sadiay Narvacan nga, “Ang laki ng pasasalamat ko sa programang ito, sa LMP kung saan ko nalaman na may ganitong programa, sa pamahalaang lokal ng Narvacan at lahat ng government agencies na tumulong sa amin.”
Naragsak met nga inyebkas ti maysa nga taga ili ti Cabugao, “Kahit sobrang nakakapagod, hindi kami gaanong nahirapan dahil hindi kami pinabayaan nung mga iba’t ibang frontliners na talagang inasikaso kami at binibigyan kami ng pagkain, cash assistance at pati grocery.”
CGRC-PIA LU/PMCJr.-ABN