49 LIMMABSING ITI ELECTION GUN BAN NAKEMMEG SADIAY PANGASINAN

April 16, 2022 Headlines

SIUDAD TI BAGUIO – Naaresto iti Pangasinan Police Provincial Office (PPPO) iti 49 a limmabsing iti election gun ban iti intero a probinsia ti Pangasinan manipud Enero 9 agingga Abril 12.
Bayat iti “Tongtongan ed PIA” forum nga indanguluan ti Philippine Information Agency Pangasinan idi Mierkoles, imbaga ni PPPO information officer, Maj. Katelyn May Awingan nga dagiti nagsalungasing ket natiliw babaen kadagiti operasion iti “Oplan Sita”, checkpoints ken buy-bust.
Ti Oplan Sita ket maysa nga agsasaganad a checkpoint nga inkondukta dagiti police personnel apaman a nakaawatda iti impormasion manipud kadagiti maseknan nga umili, wenno babaen iti intelligence information.
Nakumpiskar manipud kadagiti suspek ket 26 babassit nga igam, 12 air guns, innem a paltog, 10 natadem nga igam, ken 217 balbala para iti
nadumaduma a kalibre, kuna ni Awingan.
“Cases on the violation of the election gun ban was filed against the suspects (naipila dagiti kaskaso iti pananglabsing ti election gun ban maikontra kadagiti suspek),” innayonna.
Imbaga pay ni Awingan nga adda dagiti tattao a nangisuko iti paltogda para iti “safekeeping” iti tengnga iti gunban.
“We are encouraging the gun owners to surrender their firearms for safekeeping, especially the poll candidates(iparparegtami kadagiti agikut iti paltog nga isukoda dagiti igamda para iti safekeeping, nangruna dagiti kandidato para iti eleksion),” kunana.
Kabayatanna, kinuna nu Awingan nga agarup 428 polis manipud iti Regional Special Operations Task Group iti naibaon kadagiti nagumaguma a police station iti Pangsinan tapno maipasigurado iti natalna ken naurnos a nasional ken lokal nga eleksion inton Mayo 9.
(HA-PNA Ilocos/PMCJr.-ABN)