5 DRUG PERSONALITIES HULI SA BUY-BUST SA BAGUIO, ABRA

September 24, 2022 Headlines

CAMP DANGWA, Benguet — Nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002 ang limang drug personalities matapos silang arestuhin sa
magkahiwalay na buy-bust operation na isinagawa sa Baguio City at Abra noong Setyembre 20. BGen.Mafelino Bazar, regional director ng Police Regional Office-Cordillera, kinilala ang mga naarestong
suspek na sina Ivan Estillo, 36; Michael Galano, 37; Richard Narbonita, 37; Krystle Villafranca, 36 at Philip Billedo, 37.

Sina Estillo at Galano ay inaresto ng mga operatiba ng Baguio City Police Office matapos magbenta ng isang sachet ng hinihinalang shabu na humigit-kumulang 4.42 gramo ang bigat na may Standard Drug Price na aabot sa P30,056.00 habang ang isa pang sachet ng hinihinalang shabu na humigit-kumulang 2.69 gramo. na may SDP na P18,292.00 ay nakumpiska sa kanilang pag-aari.

Isa pang drug suspect na si Narbonita ang inaresto ng mga operatiba ng Baguio CPO matapos itong magbenta ng isang sachet ng hinihinalang shabu na humigit-kumulang 0.34 gramo ang bigat at may
SDP na P2,312.00 sa isinagawang buy-bust operation sa Barangay Guisad. Sa Abra, inaresto ng mga
operatiba ng Abra Police Provincial Office (PPO) ang mga suspek na sina Villafranca at Billedo matapos magbenta ng isang sachet ng hinihinalang shabu na humigitkumulang 0.16 gramo ang bigat na may SDP na P1, 088.00 habang isang sachet ng hinihinalang shabu na humigitkumulang 0.30 gramo. na may
SDP na P2,040.00 ay nakumpiska sa kanilang pagaari.

Ang pagmamarka at pagimbentaryo ng mga nakuhang ebidensya ay ginawa on-site sa presensya ng mga
naarestong suspek at sinaksihan ng mga kinatawan ng Department of Justice (DOJ), media, at mga halal na opisyal ng barangay. Ang mga suspek at mga nakumpiskang ebidensya ay dinala sa kustodiya ng
kinauukulang operating units para sa dokumentasyon at tamang disposisyon.

Zaldy Comanda/ABN