Bauang beach resorts dinagsa ng bisita sa Semana Santa

April 15, 2017 Provincial

BAUANG, LA UNION – Matapos ang Araw ng Palaspas noong Linggo (April 9, 2017) ay nagsimula nang nagdagsaan ang mga bisita mula sa mga karatig ng probinsya at maging ang mga turista mula sa ibang bansa ay dinayo na ang mga beach resort sa Bauang, La Union.

Habang pinaghahandaan na rin ng mga opisyal ng Bauang Tourism Council (BTC) ang mga aktibidades ng Bauang Summer Sport Fest 2017 o Kalgaw Festival ngayong buwan ng April ay ini-reset ang schedule nito na idadaos na sa April 21, 22 at 23, 2017 (Friday to Sunday).

Ayon kay BTC Chairwoman Cristita Besanko (Bali-Hai beach resort), “upang tuloy-tuloy ang dagsa ng mga bisita sa ating mga resort kaya natin inilipat ang schedule ng Summer Sport Fest ng Bauang na sisimulan sa April 21 hanggang 23, na tiyak na mas lalo tayo dadagsain ng mga bisita at turista, nitong idinaos natin ang na Hongkong Yacht Race noong April 15 at 16 na ginanap dito sa Bali-Hai Beach Resort ay naging kaaliw aliw sa mga bisita nating dayuhan, matapos natin sa pagninilay at pangingilin itong mga mahal na araw para sa atin, ngunit hindi rin natin maiwasan na kahit ganitong mahal na araw ay dinadagsa pa rin ang ating mga beach resort na karaniwan dinarayo talaga ito lalo na’t ganito kainit ang panahon, ito rin ang mga nasasabi ng mga bisita natin, ang magpalamig sa beach at swimming pool,” ani Besanko.

Ayon naman kay BTC Vice-Chairman External Peter Paul Nang (Rosebowl Steakhouse and Restaurant), “kailangan lang natin magtulungan mula sa officers hanggang sa mga miyembro ng Bauang Tourism Council ang pairalin natin ang mga ordinansa na pagpahigpit ang bawal magkalat sa mga kaligiran ng dalampasigan upang mapanatili natin ang kalinisan at matapos nitong Summer Sport Fest ay isusunod naman natin paghandaan ngayon buwan ng Mayo ay ang Pagwanawanan Festival 2017 na kung saan ay gagawin nating buong buwan ng Mayo ang mga activities, ang first week ay visual arts, 2nd week ay cosplay, ang 3rd week ay photography at videography,” ani Nang.

Nagbigay naman ng pasasalamat si Bauang Mayor Clarence Martin De Guzman, “sa mga departamento ng munisipyo ng Bauang ang kanilang pagkakaisa para sa paghahanda ng kinasasabikan ng mga residente at bisita ang Summer Sports Fest na tatlong araw magbibigay ng kasiyahan, at pinasasalamatan ko rin ang masisipag na nakikipagkaisang mga opisyal at miyembro ng mga beach resort establishment owner ng Bauang Tourism Council. Hindi tayo magtatagumpay kung wala ang inyong kooperasyon sa ating kapistahan, inaasahan natin na tayong lahat ay makikinabang at maging alerto tayo lagi sa ating mga kapaligiran nawa’y kasama natin ang Panginoong Diyos na siyang gagabay sa ating isasagawang festival,” ani De Guzman. ABN