Bauang sirmata a ‘Vineyard City’ iti Amianan inton 2030

October 7, 2019 Headlines

BAUANG, La Union – Nasurok a 250 stake holders manipud munisipalidad ti Bauang iti nangted panawen tapno tumabuno iti umuna a Tourism and Business Summit nga insayangkat iti lokal a gobierno idi Setiembre 25.
“Daytoy ket maysa a panagtinnulong iti gobierno, pribado a sektor ken civil society organizations… maysa nga uddang nga panangrugi iti plano nga Sulong Bauang 2030, nga sirmata tayo a pagbalinan iti sumaruno a tawtawen,” kuna ni Mayor Menchie Lomboy-De Guzman.
Arapaap iti Sulong Bauang 2030 nga agbalin iti Bauang a kas “Siudad ti Kaubasan iti Amianan inton 2030.” Maika-36 iti saad ti sidong iti business-friendly environment in the Cities and Municipalities Competitiveness Index daytoy a tawen, namnamaen ti Bauang nga makadanon iti top 10 iti kabiitan a masakbayan ken mapabileg dagiti polisia nga mangted iti nalag-an nga panag-negosio sadiay munisipalidad.
“Linuktan dagiti negosio iti dalan para iti turismo nga umay ditoy Bauang, nu addaan iti ad-adu nga negosio, ad-adu met iti trabaho ken maparangay it ekonomia.” Kuna ni Dr. Peter paul Nang, chairman iti Bauang Tourism Council.
Innayonna nga, “Kasapulan tayo iti trabaho babaen kadagiti skilled workers. Dagiti TESDA-accredited nga trabahador ket kas kapateg ken nu sumayaat iti turismo, kasapulan tayo dagiti skilled cooks, kitchen assistants, ken dadduma pay.”
Madama a kalikaguman dagiti trabahador iti pasdek gapu iti panagrang-ay iti turismo ken industria ti negosio, isu nga ad-adu iti potensial para kadagiti skilled workers iti sidong dagitoy ng industria.
“Kas maysa nga agri-tourism nga ili, namnamaen tayo a pumudno iti maysa a farm-to-table tourism nga dagiti lokal nga produkto dagiti mannalon tayo ket mailako ken masuportaran kadagiti pasdek ti turismo kas dagiti hotel, resort ken restaurants,” kuna ni Nang.
Malaksid iti agdindinamag a grape-picking a kapadasan ken aktibidad iti baybay, itukon pay iti Bauang ti Bakawan Eco-Tourism a kas baro nga allukoy para kadagiti lokal ken gangganaet a turista.
Sigun iti lokal a gobierno, manipud Disiembre iti napalabas a tawen agingga Mayo ita a tawen, idi malukatan ti Bakawan Eco-tourism, nasurok a 500 turista iti simmarungkar iti baro nga pagpasiaran.
“Addaan iti adu a potensial para iti ilitayo, kasapulan nga begkesen dagitoy, agtitinnulong nga agtrabaho tapno magun-od iti ad-adu nga rang-ay ti ekonomia iti ili ken napatpateg pay, dagiti umili,” kuna ni Daisy Sayangda, municipal administrator.
Iti tema para ti summit ket “Kilalanin ang sariling bayan” (takuaten manen ti bukod nga ili).
 
JDS/PIA-LU/PMCJr.-ABN