BBB PROYEKTO ITI ILOCOS AGTULTULOY ITI ADMINISTRASION NI MARCOS

July 2, 2022 Headlines

SIUDAD TI CANDON – Imbaga ti Department of Public Works and Highways iti Ilocos Region (DPWH-1) idi Mierkoles, Hunio 29 nga iti agdama a “Build, Build, Build” program iti agretiron nga administrasion ni President Rodrigo Roa Duterte ket mataginayon iti rehion iti sumaruno a Pangulo Ferdinand “Bongbong” Marcos Jr. (BBM).
“A brighter future awaits Region 1 as the economic team of the incoming administration assured to continue smart infrastructure development in the region,” kuna ni DPWH-1 assistant regional director Emmanuel Diaz iti naaramid a State of the Region’s Development Conference a naangay sadiay San Fernando City, La Union idi Hunio 29.
Iti state of the region address ni outgoing Vigan City Mayor Juan Carlo Medina, kas chairperson iti Regional Development Council-1, binigbigna nga iti “Build, Build, Build” program ti gobierno ket nakapatpateg a napasayaatna iti ekonomia ti rehion iti tengnga iti pandemia.
“Our economy is now recovering and becoming vibrant once again,” kuna ni Medina, inaayonna nga iti economic ouputs ti rehion idi 2021 ket dimmakkel iti 5 a porsiento bayat nga iti employment rate iti rehion ket ngimmato met.
Daytoy a kangrunaan a naaramidan sigun kenni Medina ket gapu iti agtultuloy a panangpasayaat iti sektor ti industria ken serbisio ken tulong dagiti dadduma a government line agencies.
Ita agdama, nakabusbos iti DPWH-1 iti agdagup PhP26.24 bilion para kadagiti proyekto iti sidong iti “Build, Build, Build” program ni Duterte.
Karaman ditoy iti 30 a road widening projects, 30 diversion ken bypass roads a mairaman iti Bauang-San Fernando-San Juan bypass road, San Fernando-San Juan section iti La Union a nakapatpateg a nakissayan iti oras ti panagbiahe manipud 30 minuto agingga 15 a minute, napalukay iti Manila North Road iti San Fernando City ken San Juan sadiay La Union.
Mainayon pay, dagiti access road nga agturong iti Currimao seaport idiay Ilocos Norte ken iti Sual government port sadiay Pangasinan ket naipasdek met tapno maitandudo iti naparpartak a panagsisinnukat dagiti produkto ken serbisio kadagiti agaabay a rehion.
Adda 60 access roads nga agturong kadagiti tourist destinations ken trades, industries, ken economic zones iti naaramid idi 2021 ken panggep a tumulong a palag-anen dagiti panagbiag iti umili ken paregtaen iti panagrang-ay iti Ilocos Norte, Ilocos Sur, La Union, ken Pangasinan.
Iti sumaruno a Pangulo a naggapu manipud iti rehion, imbaga ni National Economic Development Authority regional director Nestor Rillion, nga isu met iti vice chair ti RDC-1, nga iti Rehion ti Ilocos ket addaan “naisalsalumina a bentaha” maipanggep iti pannakaipatungpal kadagiti programa ti gobierno.
Kas mabigbig a kaunaan nga agpatpatulod-ti-migrante iti pagilian, sinanama ni Rillon nga agbalin iti Rehion ti Ilocos nga agribusiness ken tourism hub iti Pilipinas.
Manipud iti pannakaipatungpal iti development plan ti rehion a nabukel idi 2017, impadamag iti RDC nga iti gross regional domestic product iti rehion para iti umuna a dua a tawen iti pannakaipatungpal ket nasayaat iti maysa a back-toback growth a 6 percent.
Ngimmato pay daytoy iti 7 porsiento idi 2019, nga dagiti serbisio iti maysa latta a kangrunaan a mangidurduron ti ekonomia agingga kaunggan a limned iti negatibo 8 porsiento idi panangdalapus ti pandemia iti rehion idi 2020.
(LA-PNA Ilocos/PMCJr.-ABN)