Tsismis at sampay pan-y, dapat bang ipagbawal?
Usap-usapan na kamakailan hindi lang sa Pilipinas, baka buong mundo na ang nakitsismis sa dalawang usaping pumutok mula sa Baguio City kamakailan.Grabeng pinag-usapan saan mang sulok na may umpukan lalo na sa hanay ng mga tsismoso at tsismosa sa lipunan. Pero teka lang mga pards, bati muna kami ng Happy New Year sa lahat ng ating mga kababayang Chinese. Ngayon, balik tsismis tayo at isasama na natin ang hinggil sa pagsasampayng underwear lalo na ang mga pan-y ng mga kababaihan:
Isang barangay sa Baguioang gumawa ng kakaibang barangay ordinance nila kung saan ipinagbabawal doon ang pagsasampay ng underwear lalo iyong mga gamit ng babae sa mga lugal na bulgar sa mata ng tao. Ang malaking tanong ay – Bakit? Sala-salabat ang reaksiyon ng mga nakausap natin. Noon pa raw panahon ni late Mayor Luis Lardizabal, ibinawal na ang mga kung anoanong sampay lalo na sa mga tabi ng mga daan. Nakakaasiwa raw tignan lalo kung ang mga yan ay mga underwear. Nakakademonyo raw sabi naman ng ilang kalalakihan. Bulong naman ng ilang mahilig: nakakakilig daw pagmasdan.
Yong iba nga raw ay nagnanakaw pa ng underwear (pan-y) na na-feature pa nga sa TV kamakailan at isinuot pa sa ulo ang ninakaw na saplot ng babae. He he, di natin alam kung bakit. Ang siste, sa mga boarding houses na walang mapagsasampayan ng labada, sa labas na lang ng bintana nakasampay ang kanilang nilabhan kasama na siyempre ang mga underwear. At kung bulgar ito sa mga tao sa kalsada, tiyak na pinagpipiyestahan at paguusapan.
Lalo raw kung luma na ang sampay at may pigtaspa ang garter. Maryusep!
May mga gamit kasi tayong di natin nabubusisi kung minsan. Butas-butas na, di pa itapon at bumili ng bago. Baka naman may sentimental value, sabi nila. Yan ang mga loyalistang underwear. Sabi ng mga moralista, eekkk kadiri! Upak naman ng mga praktikal: eh bakit sa wagwagan, salasalabat ang mga nakasampay na underwear. Gamit na, ibebenta pa ang mga saplot na yan, di ba? Bakit hindi ipagbawal? Ah, ewan, kanyakanya tayo ng pananaw, mga pards. Suhestiyon: mas maigi kung gumawa naman ng sampayan na hindi lantad sa tao lalo na kung mga underwears ang isasabit. Itago naman nang kaunti kasi kung kakilala mo ang may-ari ng saplot na yon, at nasalubong daw sa daan, medyo makakapag-isip ka ng iba, di ba? Baka nadedemonyo kang mambastos. So para iwas ganyang eksena, ayusin na lang. Buti nga sa barangay pa lang yan, eh kung nationwide na? Ngak!
Balik bawal tsismis tayo. Isa ring barangay ng Baguio ang gumawa ng panuntunan doon. Di natin sigurado kung may multa pa. Ayon sa rason: ito raw ay upang maiwasan ang mga di kanais-nais na eksena. Marami kasing nag-aaway dahil lamang sa tsismis. Sa tsismis kasi nagmumula ang mga kasiraan ng tao. Sa halip na ang pag-usapan ay kung papano uunlad, mapupunta ang tsismisan sa kasiraan ng gusto nilang siraing tao. Suma total, inggit ang bagsak ng tsismisan. Hindi lang personal na bagay ang gustong-gustong itsismis kundi lahat na under the sun upang may mapag-usapan lang. O, di ba, dahil lang sa tsismis na nauwing pekeng balita, patay na raw si Pres. Duterte. Maryusep! Yan ay gawain ng mga taong walang magawa. Yon bang magkakatrangkaso kung walang maitsismis. Kaya sabi ng marami, dapat nga eh buong bansa na ang implementasyon sa pagbabawal ng tsismisan para madala na ang mga tsismoso’t tsismosa. Upak nga ng mga moralista: tama lang na maparusahan ang mga nagtsitsismis. E, pano kung totoo naman ang tsismis? He he, sige, wala nang oras. Makikitsismis muna kami! Adios mi amor, ciao, mabalos!
Review the Mutual Defense Treaty of 1951 and EDCA
February 10, 2019