DA nagpuonan iti PhP1.2B para iti agri-development sadiay Ilocos

October 4, 2020 Headlines

ILOCOS SUR – Nangiparukpok iti Department of Agriculture (DA) iti puonan agarup PhP1.2 bilion manipud 2017 nga mangtignay iti panagrang-ay ken panagpasayaat iti sektor ti agri-fishery sadiay Ilocos.
Kinuna ni DA Secretary William Dar iti nabiit nga panagbisitana iti probinsia ti Ilocos tapno idanguluan iti ground-breaking ceremony iti PhP32 milion a gated iti infrastructure facilities para iti Ilocos Sur Polytechnic College (ISPSC) idiay ili ti Sta. Maria ken awarding ken turn-over iti PhP55.85 milion a gated ti DA farm machineries ken equipment a magungungonaan iti agadup 76 asosasion iti mannalon manipud 27 munisipalidad ditoy.
Iti daytoy PhP1.2 bilion a puonan, agarup PhP600 milion iti naited daytoy a tawen nga paset iti ibaballaet manipud lima a kangrunaan nga banner programs iti DA iti sidong ti rice, corn, high value crops development, livestock ken organic agriculture.
Dagitoy nga ibaballaet ket buklen dagiti agricultural inputs, farm to market roads, agri-infrastructures nga sadino iti kaaduan dagiti pondo nga naipuonan ket mangitungpal iti Farm Mechanization Program ti DA tapno maingato iti produksion ket kita dagiti mannalon.
“We want agriculture to grow. With the 10 percent growth in production of agriculture alone this year, we still need an additional 20 percent for the growth of agribusiness to make it 30 percent as we are making a lot of reforms, and interventions so that Philippine agriculture will truly be the backbone to our economy,” kuna ni Secretary Dar.
Makita iti potensial ti ISPSC kas drayber nga mangiduron iti research ken extension activities iti probinsia, ingkari ni Sec. Dar iti panakailatang ti PhP66 milion para iti pannakaipatakder iti maysa pay nga ISPSC campus nga mangipaay iti veterinary medicine courses kakuyog iti pannakapaitakder iti Ilocos Sur Research and Extension Center karaman ti Training Center iti munisipalidad ti San Juan.
Iti pipeline nu sumaruno a tawen ket iti PhP100 milion trading post para iti Sta. Maria ken iti PhP50 milion a gated ti ISPSC campus sadiay Narvacan nga mangipaay iti fisheries courses ken maysa nga Food Processing Center idiay ISPSC main campus nga aggatad iti PhP40 milion.
Kabayatanna, tapno maipapas iti opisial a panagbisitana, ni Sec. Dar ken iti partidona ket napan sadiay National Foods Corporation (NFC) in Sarrat, Ilocos Norte tapno sukimatenna iti management ken operation iti 35 a-tawen a semi-government facility para iti posible a rekomendasion ken solusion kadagiti agdama nga sagsagrapen iti pasilidad.
Kadua iti posible nga investor nga ni Candaba, ampanga Mayor Gerry Pelayo, imparagawag ni Sec. Dar iti decision ti NFC Board nga aramiden a pribado iti pasilidad. Nupay kasta, bayat nga iti pasilidad ket adda iti proseso nga maisapribado, iti DA babaen ti Agricultural Credit Policy Council, ket tulonganna iti NFC iti probision ti PhP26 milion loan capital para dagiti mannalon tapno usarenda iti farming operations daytoy a tawen a sakupen ti 800 ektaria ken PhP39 milion pay nga pondoan dagiti loans ti NFC para dagiti mannalon iti napalabas a panawen ti pinagmula bayat ti panaguray iti panakailako dagiti PhP120 miloion a produkto tapno maitantan dagiti napalabas nga loans dagiti mannalon.
Ni Mayor Pelayo nga nagiyebkas iti pananginanamana nga suportaran dagiti agri-industrialization projects ni Sec. Dar ket nangikari nga mangipatulod ti maysa a technical team nga mangkita iti upgrading ken development dagiti pasilidad iti pannakaipatakder dagiti kanayunan nga pasilidad para dagiti babbabassit a merkado nga addaan babbabassit a packaging iti produkto ti NFC kas iti porma ti sachet.
Kiniddaw na met iti NFC management nga palawaen iti pagmulaan iti kamatis; suruan dagiti mannalon iti panangimaton ti mulmula; ken suruanda iti pinansial a literasia bayat a dagiti sabali a cash crops ket mausar met kas suporta iti napatitipon a taraon nga panggep ni Sec. Dar nga pangnamnamaan ti merkado kasta met kas kita dagiti mannalon ti Rehion 1.
(AMB-PIA1/PMCJr.-ABN)