ILOCOS NORTE NANGIPATULOD ITI TULONG KADAGITI BIKTIMA NI ‘ODETTE’

January 1, 2022 Headlines

SIUDAD TI BAGUIO – Madaman iti pinansial ken naklase-klase a donasion manipud umili ti Ilocos Norte tapno makatulong kadagiti probinsia iti Visayas ken Mindanao a pirmi a nadangran iti didigra ni bagyo nga Odette.
Kinuna ni Ilocos Norte provincial treasurer Josephine Calajate nga PhP3 milion manipud iti provincial government donation account iti Ilocos Norte iti sidong ti regular budget iti naikari para Cebu, Guimaras, Southern Leyte, Bohol, Negros Occidental, ken Surigao del Sur.
“This is part of our governor ’s commitment to helping typhoon victims in areas under state of calamity,” kinunana iti maysa nga interbiu iti telepono.
“The north stands with you (Tumakder iti Amianan kadakayo),” maysa a wing van ti gobierno iti Ilocos Norte a naglaon iti umuna a grupo iti
grocery items, badbado, danum, bagas, ken dadduma pay a napateg a bambanag, iti naipatulod idi Sabado (Disiembre 25) tapno makatulong kadagiti biktima ti didigra.
Agingga ita a posting, ti Provincial Resiliency Office iti sidong ti provincial government ket agkolkolekta pay iti donasion a maisagana para iti sumaruno a shipping kas tulong kadagiti biktima ti bagyo.
Nupay agibar-ibar pay laeng manipud iti epekto ti coronavirus disease 2019 (Covid-19) ken African Swine fever (ASF), maysa a third class municipality ti Piddig sadiay Ilocos Norte, babaen kenni mayor Eduardo “Eddie” Guillen ti nangikari met ti PhP100,000 para kadagiti biktima ni bagyo nga Odette.
Kinunana a mabalin nga bassit iti gatad ngem mangipatulod daytoy iti maysa a “mensahe ti namnama para kadagiti agkasapulan”. Malaksid iti 389 a nairekord a natay gapu kenni “Pdette” agingga Lunes (Disiembre 26), kinuna ti National Disaster Risk Reduction and Management Council (NDRRMC) a 1,146 iti nadangran bayat a 64 tattao iti mapukpukaw.
Makita iti kaudian a report ti gobierno nga agdagup iti 1,074,169 pamilia wenno 4,204,601 tattao iti 429 siudad wenno munisipalidad iti naapektaran iti bagyo nga addaan 314,676 inside evacuation centers ken 256,230 outside evacuation centers.
Kabayatanna, adda 20 engineers ken linemen iti Ilocos Norte Electric Cooperative ti kimmadua kadagiti sabali nga electric cooperatives iti pagilian tapno mapapartak iti pannakaisubli ti elektrisidad sadiay Visayas ken Mindanao.
“We have scheduled one month for them to help in the restoration. From Naga, we are now on our way to Leyte and start the restoration by tomorrow,” kuna ni Noel Andres, information officer ti INEC kimmuyog met iti grupo kas suporta iti Power Restoration Rapid Deployment-Task Force Kapatid iti Philippine Rural Electric Cooperatives Association Inc.,babaen iti panaggaraw iti One EC Network Foundation nga addaan pannakitinnulong ti gobierno ti Ilocos Norte.
Sigun iti NDRRMC, agdagup 284 siudad ken munisipalidad iti nakasagrap iti power interruption idiay Mimaropa, Rehion iti 6, 7, 8, 9, 10, 11, Caraga, kenBangsamoro Autonomous Region in Muslim Mindanao (BARMM). Iti 284 a siudad ken munisipalidad, 154 laeng iti naisublin ti elektrisidadda.
(LA-PNA Ilocos/PMCJr.-ABN)