Ilocos Sur nakailista iti kaunaan a kaso ti Delta variant

September 5, 2021 Headlines

SIUDAD TI VIGAN – Kinumpirma ni Ilocos Sur Governor Ryan Luis V. Singson idi Domingo (Agosto 29) iti umuna a kaso iti nakarkaro a makaakar nga Delta COVID-19 variant iti probinsia.
Iti maysa a sasao, kinuna ni Governor Singson nga lima a kaso iti Delta variant iti natakuatda kadagiti munisipalidad ti San Juan (1), Sto. Domingo (1), Cabugao (2), ken San Ildefonso (1).
Dua kadagiti kaskaso ket APORs nga addaan travel history sadiay Ilocos Norte bayat a tallo ket lokal a residente nga awanan travel history. Kinuna ni Provincial Health Officer Dr. Carmeliza Singson nga naaramid iti extensive contact tracing activities agingga third generation close contacts kadagiti apektado nga ili.
Kanayonanna, maysa a baro nga Covid-19 Alpha variant iti nailista sasiay Cabugao ken maysa a baro nga Covid-19 Beta vareiant iti nailista sadiay Vigan City.
Lokal a residente dagitoy nga awanan travel history. Gapu daytoy, inulit ni Governor Singson iti awagna kadagiti IlocosSurians nga agbalin a disiplinado mainayon iti panagpabakuna iti kapintasan a depensa kontra iti Covid-19 gapu ta pababaenna iti peggad a maakaran iti sakit ken nangato nga epektibo a pananglapped a maospital ken pannakatay.
“By limiting travel to those that are only essential, continuing to wear face masks, observing social distancing, submitting ourselves to testing and self-isolation once we develop any symptoms, we are not only helping ourselves but our families and communities as well,” kunana.
“The presence of the Delta variant in the province is a call to action to all of us to act responsibly. The success of our aim to lower the rate of Covid-19 infections and help ease the burden of our health workers lie to our willingness to cooperate and self-discipline,” innayon pay ni Singson.
Agingga Agosto 28, nakairekord iti probinsia iti 45 baro nga aktibo a kaso iti Covid-19, nga dimmanonnen iti 1,293 iti dagup a bilang iti confirmed active cases.
Manipud Marso 2020, addaan dagup 7,340 confirmed cases, 5,904 recoveries ken 143 deaths iti probinsia.
(JMCQ-PIA IS/PMCJr.-ABN)