INEC Pantawid Liwanag mangipaay ti libre nga elektrisidad para marigririgat

May 17, 2020 Provincial

SIUDAD TI LAOAG – Iti Ilocos Norte Electric Cooperative (INEC), kakuyogna iti National Electrification Administration (NEA) ken Philippine Rural Electric Cooperatives Association (PHILRECA), ket itantandudona iti Pantawid Liwanag a programa nga panggep nga manipaay iti “zero electricity charges” para kadagiti kualipikado a benepisario.
Iti sidong daytoy a programa, mangited iti INEC ti libre nga elektrisidad kadagiti residential member-consumerowners (MCOs) nga iti
konsumoda ti elektrisidad ket agtinnag a nababbaba ngem 30 kilowatt hours (kWh) iti las-ud ti billing period ti Abril 2020.
Dagiti kualipikado a benepisario para daytoy a programa ket MCOs nga kameng iti kapanglawan kadagiti napanglaw ti komunidad nga awan regular a pagbirokanda kas lifeline electricity consumers (0-20 kWh) wenno dagiti addaan regular a pagbirokan ngem naisardeng gapu iti community quarantine.
Para kadagiti kayatda nga agaplikar para daytoy a programa, maiwaras iti application forms para tunggal barangay babaen ti INEC Association of Member-Consumer-Owner officers (IAMCO).
“Ikeddeng ti chairman ti IAMCO wenno iyendorso para INEC approval dagiti kualipikado a benepisario,” kuna ni Noel Andres, INEC Information Officer.
Innayon pay ni Andres nga ururayenda iti naan-anay a panakalpas dagiti porma tapno masino iti dagup a bilang ti kualipikado a benepisario iti nasao nga programa.
Para iti regular member-consumer, mangipaay met iti kooperatiba ti elektrisidad iti dawdaw a panagbayad agingga ngudo ti bulan.
Impasiguradona nga awan ti panagputed wenno multa dagiti regular consumers nga saan nga nakabayad agingga ngudo ti bulan ti Mayo.
MJTAB-PIA-IS/PMCJr.-ABN