Inter-agency approach iti Region 1 usaren kontra measles

February 23, 2019 Headlines

SAN FERNANDO CITY, La Union – Nakapagrehistro ti Department of Health (DOH) Region 1 ti umagop 309 measles cases ken 11 pannakatay idi Pebrero 16, ket gapuna nga agtitinnulong ti naduma-duma nga ahensiya ti gobyerno tapno malappedan iti panagngato ti
bilang ti kaso ti measles iti rehiyon 1.

Nagrehistro ti probinsiya ti Pangasinan ti kaaduwan nga 257 kaso, sarsarunwen ti La Union 28; Ilocos Sur 14; ken Ilocos Norte nga adaan 10 nga kaso.

“A total of 189 from the 309 cases said the patients were unvaccinated while 74 cases were babies below six months who are not yet eligible for vaccination,” kuna ni DOH-1 Regional Director Valeriano Lopez, kabayatan ti Measles Outbreak Response Cluster meeting idi Pebrero 19.

Iti response cluster ti Regional Disaster Risk and Reduction Management Council – 1, nga dinangulwuan ti DOH-1 ket rangtana nga alaen ti kari dagiti concerned agencies para ti prevention ken control ti measles ditoy rehiyon.

Manipud Pebrero 16 ket pinagarawen ti DOH-1 ti Incident Command System for Measles Outbreak da. Idangdangulo ni Dr. Valeriano ti nasao nga gatdang.

Sikakari ti Department of Interior and Local Government -1 nga mangited direktiba kadagiti local government units tapno suportaranda dagiti health centers nga mangtarabay kadagiti walk-in clients nga agpabakuna agginggana 7 pm ken ma—extend ti panagbakua uray aldaw ti Sabado ken Domingo.

Kasakbayanna, al-allukuyen ti Department of Social Welfare and Development -1 dagiti day care workers nga makipagkaysa kadagiti nagannak ken Pantawid Pamilyang Pilipino Program (4Ps) beneficiaries nga ipabakunada dagiti annakda.

Maysa nga massive advocacy, education, and information dissemination on measles vaccination ti maisaysayangkat katulungan ti Philippine Information Agency ken iti media.

Iti maysa nga advisory nga imparuwar ti DOH idi Pebrero 14, amin nga ubing nga addaan edad innem nga bulan agginggana 59 bulan ken dagiti kindergarten agginggana Grade 6 ket maikkan prayoridad ti pinagbakuna kontra-measles maibilang met dagiti saan pay nga nabakunaan.

Iti projection ti DOH-1 ket ada 72,974 ti saan nga mabakunaan para tawen 2019 nga maipagarup nga delikado ti measles infection.

Kinuna ni Dr. Valeriano nga iti oral polio vaccine para kadagiti 0 agginggana 59 bulan ket maited iti bayat ti kampanya tapno masiguro nga iti polio-endemic ken dagiti “risk for importation and spread countries” kasla iti Pilipinas ket maprotektaran.

Lito Camero/ABN with reports from Joan Sabado- PIA Region 1