Kaskaso ti Dengue iti Pangasinan ngimmato ti 67%

June 21, 2021 Headlines

PANGASINAN – Nairekord ti Provincial Health Office (PHO) iti 1,600 a kaskaso iti dengue manipud Enero 1 agingga Hunio 14 daytoy a tawen, 67 porsiento a nangatngato ngem 995 a kaskaso iti parehas a period ti napalabas a tawen.
Maibasar iti monitoring ti PHO, ti kangatuan a bilang iti kaskaso ket nairekord idi Enero nga addaan 524. Iti sidong ti watchlist ti PHO krt dagiti siudad ti San Carlos, Alaminos, ken Urdaneta; ken dagiti ili ti Bayambang, Umingan, Binmaley, Pozorrubio, Lingayen, Calasiao, ken Basista.
Maysa larng iti natay daytoy a tawen nu maidilig iti napalbas a tawen a siam gapu iti dengue.
Iti kaubingan a pasiente ti dengue ket maysa a dua-a-bulan nga lalaki, bayat nga agtawen iti 55 ti kabaketan. Iti maysa nga interbiu idi Mierkoles, Hunio 16 kinuna ni Dr. Rheuel Bobis, pannakangiwat iti Department of Health Center for Health Development in the Ilocos Region (DOH-CHD 1) nga iti Ilocos Region ket adda kabuklan a 1,600 dengue cases, karaman iti kaskaso iti Pangasinan.
“There was a notable spike in the number of dengue cases this year. This might be due to neglect of the cleanliness of surroundings as dengue mosquitoes breed in stagnant waters,” kinunana.
Pinalagipan ni Bobis iti umili nga iyugalida iti 4S kontra dengue, wenno iti panagbirok ken panangdadael kadagiti pagitlogan ti lamok, panangiyaplikar kadagiti pamay-an ti panangsalaknib ti bagi, nasapa nga agpakonsulta, ken suportaran iti fogging wenno panag-spray iti tiempo ti umad-adani iyaadu iti kaskaso ti dengue.
(PNA-Ilocos/PMCJr.-ABN)