Miyembro ng bolt cutter gang na wanted sa Mindoro, timbog sa Lungsod ng Baguio

March 13, 2021 Metro BLISTT

BAGUIO CITY – Hindi nakapalag ang isang miyembro Acetylene/Bolt-Cutter Robbery Gang, na wanted sa Oriental Mindoro,nang matunton sa kanyang pinagtataguan, ayon sa Baguio City Police Office.
Nabatid kay BCPO Director Allen Rae Co, ang nadakip na si Arnel Paligpig Calisog,40, ay nasakote ng mga tauhan ng BCPO Pacdal, CIU, CIDG-Baguio CFU, CIT Baguio- RIU 14, RMFB 1 102nd Maneuver Coy, and Puerto Galera MPS sa kanyang bahay sa Purok 2, Gibraltar, Baguio City, noong Marso 9.
Ang suspek ay dinakip ito sa bisa ng arrest warrant na inisyu ni Judge Edgardo Padilla, presiding judge ng First Municipal Circuit Trial Court, San Teodoro-Baco-Puerto Galera, Oriental Mindoro sa kasong Robbery noong Disyembre 11, 2015.
Ayon kay Co, si Calisog ay tinaguriang No.5 Top Most Wanted Person of Puerto Galera (Municipal Level) for the 1st Quarter 2021.
Kinumpirma din ng PNP Directorate for Intelligence na si Calisog ay identified na miyembro ng Allen Langtiwen Robbery Gang, a criminal group operating nationwide mula sa talaan ng criminal groups sa ilalim ng CIDG-Coplan CRYPTO-MINING CHARLIE dated October 12, 2018.
Zaldy Comanda/ABN