NASUROK 20 URAM TI KABAKIRAN NAPASAMAK ITI CORDILLERA MANIPUD IDI RUGI TI 2024

February 16, 2024 Headlines

SIUDAD TI BAGUIO

Nasurok a 20 uram ti kabakiran (forest fires) iti nairekord iti Cordillera Administrative Region (CAR) manipud idi rugi ti 2024. Dagiti paset iti iwanwanwan-gobierno a Camp John Hay iti nauram met iti napalabas a sumagmamano
nga aldaw. Imbaga ni Bureau of Fire Protection-CAR (BFP-CAR) inspector Manuel Daniel iti maysa nga interbiu idi
napalabas a Martes nga iti Benguet iti addaan kaaduan nga siam nga puor, sinaruno ti Mountain Province nga addaan walo ken Abra a tallo.

Karaman iti datos dagiti barangay ti Ampucao ken Dalupirip idiay Itogon, Benguet a pimmaot iti sumagmamano nga aldaw agingga umuna a lawas ti Pebrero. Iti kangrunaan a pakaigapuan ti uram ket nawayang a gil-ayab kadagiti
taltalon, sinaruno iti nawayang a gil-ayab iti basura ken bayat ti panagluto ken nasindian a rungrong ti sigarilio wenno panagsigarilio. Maibasar iti report ti BFP, 199 non-structural fires iti napasamak idi 2023, nangatngato ngem iti 102 idi 2022.

Dagiti non-structural fire incidents ket karaman dagiti uram ti ruot, uram ti kabakiran ken dagiti uram ti basura. Idi Pebrero 11, maysa nga uram ti kabakiran iti napasamak asideg iti lugar ti Voice of America iti Camp John Hay (CJH) reservation area a nangrugi iti parbangon. Imbaga iti maysa a pagsasao ti John Hay Management Corporation (JHMC), maysa a subsidario ti Bases Conversion Development Authority (BCDA) idi Martes (Pebrero 13) a naparmek ti uram agarup alas tres ti malem.

Nauram manen ti CJH idi Lunes ken Martes ken madama pay a suksukimaten dagiti autoridad dagiti pakaigapuanan. Imbaga ni Fire Sr. Supt. Robert Pacis, BFP-CAR regional director iti mayasa a press conference idi napalabas a lawas a nasken nga ugalien met dagiti komunidad dagiti pananglapped a pamay-an. Imbaga na nga ti BFP ket adda iti proseso ti pannakamoderno ti operasionna no maipapan ti panangibangon kadagiti fire station ken panangited kadagiti firetrucks ken ambulansia.

(LA-PNA CAR/PMCJr.-ABN)