P28-M makina para kadagiti mannalon, inawat ti LU

August 15, 2018 Headlines

BACNOTAN, LA UNION – Naguummong dagiti nagduduma a bunggoy ti mannalon manipud iti siam a local government units iti umuna a distrito ti probinsia para iti turnover ceremony dagiti makina a maaramat iti panagtalon iti opisina ti Department of Agriculture- Ilocos Integrated Agricultural Research Center (DA-ILIARC) iti Sapilang ditoy nga ili idi Agosto 9-10, 2018.
Dagiti makina a pakaibilangan ti four wheel tractors, hand tractors, mobile fast dryers, transplanters, mechanical corn shellers, knapsack sprayers, ken waterpumps ket naited kadagiti benepisiario nga organisasion ken kooperatiba manipud kadagiti ili ti Bacnotan, Balaoan, Bangar, Luna, San Juan, San Gabriel, Santol, Sudipen ken siudad ti San Fernando.
Aggatad iti nasurok P28milion dagiti makina a naggapu iti pundo ti DA ken maiwaras kadagiti dadduma pay a bunggoy dagiti mannalon iti buo a probinsia.
Nagyaman ni Gov. Francisco Emmanuel R. Ortega III iti suporta ti DA kadagiti kangrunaan a proyekto ti probinsial a gobierno a manayunan ti apit dagiti mannalon babaen iti mechanization ken panagbalin ti La Union kas “Heart of Agri-Tourism in Northern Luzon by 2025”. Adda report ni ADAMOR L. DAGANG, provincial tourism officer / ABN