Panangibunong ti SAP agtultuloy sadiay Rehion 1

August 7, 2020 Headlines

SIUDAD TI SAN FERNANDO, La Union – Impakaammo iti Department of Social Welfare and Development Field Office 1 (DSWD FO 1) idi Lunes nga agingga Agosto 3, nasurok a 300,000 benepisario manipud Pangasinan iti nakaawat ti maikadua a paset iti social amelioration program (SAP).

Kinuna ni Darwin Chan, regional information officer ti DSWD FO 1 nga iti Pangasinan laeng kadagiti uppat a probinsia iti Rehion 1 ti nakaawat iti maikadua a paset kas inrekomenda ti Inter-
Agency Task Force (IATF).

“Pangasinan lamang po dito sa Region 1 ang nakatanggap ng pangalawang ayuda ng gobyerno dahil ito lamang po ang nailagay under enhanced community quarantine status mula May 1-15,” kuna ni Chan.

Impakita iti kaudian a datos nga 361,563 iti puntiria a 556,917 benepisario iti Pangasinan ti nakaawat iti nasao nga tulong pinansial. Daytoy ket dandani 65 porsiento iti naaramidan. Ti dagup iti bilang ti benepisario, addaan iti 100 porsiento a naaramidan iti panagibunong ti tulong pinansial iti amin a 123, Pantawid Pamilyang Pilipino Program (4Ps) beneficiaries.

Iti sabali a banda, 237,774 iti 433,128 nga saan a 4Ps iti nakaawat iti tulong pinansial.

Kaaduanna, nangted daytoy iti actual a naibunong ket aggatad iti PhP1,821,481,350. PhP513,724,350 ket naibayad iti 4Ps beneficiaries, kaaduan ket babaen iti cash card bayat na nga iti PhP1,307,757,000 ket naited kadagiti non-4Ps beaten iti Financial Service Providers (FSPs) nga GCash, RCBC, ken Starpay.

“Ang DSWD ay nakipartner po sa ating FSPs sa pamamagitan ng Memorandum of Agreement para mas mapabilis po ang pagbibigay ng ayuda sa ating mga kababayan,” kuna ni Chan. Kabayatanna, agdagup iti 24,166 waitlisted beneficiaries iti rehion ti nakaawat iti pareho nga cash assistance nga aggatad iti PhP5,500.00 tunggal maysa.

Kada probinsia, Pangasinan iti addaan kaaduan nga nakaawat nga 16,593; Ilocos Sur nga addaan 4,666; La Union 1,722; ken Ilocos Norte nga addaan 1,185. “The amount paid to waitlisted beneficiaries have reached Php132,913,000.00,” kuna ni Chan. Iti benneg ti nasional, kinuna ni DSWD Secretary Rolando Bautista nga nasurok PhP58.5 bilion nga cash aid iti sidong ti maikadua a paset ti SAP iti naibunongen kadagiti 8, 979, 360 beneficiaries.

“Umaabot tayo ng 63 percent kasi marami pa ang mga payouts na ipoproseso. Ang ineestimate namin ay aabot tayo ng 80 percent within this week and, hopefully by second week of August, ay makaabot tayo sa 100 percent,” kunana iti maysa nga interview iti Network Briefing News nga indanguluan ni Communications Secretary Martin Andanar.

Kabayatanna, malaksid iti panagibunong iti maikadua a paset iti tulong pinansial, imbinsa-binsay ti Secretario iti dadduma pay a programa iti departamento para kadagiti agkasapulan, nangruna iti madama a tiempo ti krisis iti COVID-19.

JND-PIA LU/PMCJr.-ABN