PANGASINAN NILUKAYANNA ITI RESTRIKSION TI PANAGBIAHE PARA KADAGITI NAANANAY A BAKUNADO

November 13, 2021 Headlines

SIUDAD TI BAGUIO – Inikkat iti Provincial Inter-Agency Task Force (IATF) iti Pangasinan ti reverse transcription-polymerase chain reaction (RT-PCR) negative test result kas maysa kadagiti pagannurotan para kadagiti naan-anay a bakunado a biahero ti Pangasinan.
Iti maysa nga interbiu iti telepono idi Mierkoles (Nobiembre 10), kinuna ni Pangasinan Police Provincial Office information (PPPO) officer Lt. Col. Ferdinand de Asis a maiyaplikar daytoy kadagiti authorized persons outside of residence (APORs) ken non-APORs a naan-anay a nabakunaan kontra coronavirus disease 2019 (Covid-19).
“For APORs, they only need to show their identification card (ID), vaccination card, and a travel order or itinerary or appointment, or any other proof of authority to travel at the border checkpoint,” kunana.
Kinuna ni De Asis a kasapulan nga ipakita dagiti non-APORs dagiti valid ID da, vaccination card, ken mangala iti Travel Pass-through Permit (TPP) manipud Safe, Swift and Smart Passage (S-PaSS) nga addaan iti auto systems approval a saanen nga urayen iti approval manipud local government unit (LGU) iti maysa a travel destination tapno mangala iti travel coordination permit (TCP).
Nadutokan iti PPPO a mangaywan kadagiti border control checkpoints. Innayonna a dagiti returning residents ket kasapulanda laeng a mangiparang sadiay border checkpoint iti TPP, printed copy wenno soft copy iti maysa nga electronic gadget, kakuyog iti vaccination card da ken aniaman a company wenno government-issued ID.
Kinuna ni De Asis a dagiti biahero a lumabas iti Pangasinan agturong iti sabali a probinsia ket kasapulan nga agrehistro iti S-PaSS ken mangiprisintar iti maysa a valid ID nga naikabil ti residential address wenno address ti destinasion sadiay border checkpoint.
Kabayatanna, dagiti saan a nabakunaan a biahero ket nasken a mangala iti TPP manipud SPaSS, iparangda ti valid ID da, ken maysa negative RT-PCR wenno antigen test results valid three days before travel.
Amin a turista ket kasapulan nga agrehistro iti Pangasinan Tara Na at https://pangasinan.tarana.ph/.
Nupay kasta, kas pagarigan maysa nga ili wenno siudad iti Pangasinan ket nareclassify kas restricted, dagiti biahero ket kasapulan manen nga agrehistro idiay S-PaSS ken mangala iti TCP manipud LGU a destinasion sakbay iti iseserrekda ti Pangasinan, kuna ni De Asis.
Inulit ti PPPO iti travel requirements iti publiko gapu ta umasidegen it panawen ti Paskua a dagiti biahero ken agsubli a residente ket manamnama nga agturong iti probinsia.
Iti protocol ket nangrugi idi Nobiembre 1, panawen nga imbaba ti national Inter-Agency Task Force (IATF) iti estado ti probinsia iti modified general community quarantine.
Iti Executive Order No. 0151 ni Governor Amado Espino III kinunana a dagiti non-APORs ken turista manipud lug-lugar a naipasidong iti enhanced community quarantine, modified enhanced community quarantine, granular lockdown, Alert Level 5, ken Alert Level 4 para kadagiti tattao a nababbaba iti 18 a tawen ken dagiti karaman iti vulnerable population ket saan a mapalubosan a sumrek iti probinsia.
(HA-PNA Pang./PMCJr.-ABN)