PhP125K gatad ti nakumpiskar a produkto dinadael ti DTI-La Union

October 18, 2020 Headlines

SIUDAD TI SAN FERNANDO – Dinadael ti Department of Trade and Industry (DTI) La Union iti PhP125,000 a gatad ti dagiti nakumpiskar a substandard ken uncertified nga produkto idi Martes (Oktubre 13).
Iti maysa a seremonia ti panagdadael nga naaramid idiay sanitary landfill, daytoy a siudad, kinuna ni DTI La Union Provincial Director Merlie Menbrere nga iti aktibidad ket panggep nga ingato iti pannakaammo dagiti aggatgatang iti panaggatang ti natalged ken addaan kalidadna nga produkto.
“Sa pamamagitan nito ay gusto natin ipakita sa lahat na ang mga hindi sertipikadong produkto ay ating iko-confiscate para masiguro na protektado ang kapanan ng ating mga mamimili,” kunana ni Membrere iti panagsasao nga Tagalog.
Babaen iti kanayon a monitoring ken evaluation activities ti DTI, dagiti naduktalan a substandard items ket dagiti Christmas lights, electrical tapes, lighters, steel bars, ken steel wires.
Dagitoy a produkto ket naduktalan nga limmabsing kadagiti linteg ti products standards law, pagalagadan ken pagannurotan, wenno saan nga di panagtungpal iti marking requirements nga nailanad iti Department Administrative Order No. 02-2007.
“Nabisita natin ang lahat ng dalawampung bayan ng ating probinsya, katuwang ang ating mga lokal na pamahalaan, para mag-monitor ng mga presyo at kalidad ng mga produkto sa merkado,” kuna ni Membrere.
Naidarum dagiti nagsalungasing iti multa nga administratibo nga iti gatad nga idiktar a rasonable dagiti awtoridad.
Unay nga inallukoy ni Membrere dagiti consumer nga sukimaten dagiti quality markings iti produkto kas iti Philippine Standard Safety para iti lokal a produkto ken iti Import Commodity Clearance (ICC) sticker kadagiti imported.
Kabayatanna, Oktubre ket isut Consumers’ Welfare Month, kagiddan iti selebrasion iti Philippine National Standards Week manipud Oktubre 8 agingga 14, isu nga nakalinia dagiti aktibidades tapno maingato iti pannakaammo ken kapanunutan iti kalintegan dagiti aggatang, kasta met kas addang dagiti saba-sabali a kakadua nga stakeholders nga maipasigurado iti pagsayaatan dagiti aggatgatang nga umili.
CGC-PIA LU/PMCJr.-ABN