Rehion 1 naideklara kas kaunaan a lugar nga addaan ‘natibker a makin-uneg a kappia, seguridad’

February 26, 2022 Headlines

SIUDAD TI BAGUIO – Pinirmaan ti Regional Development Council, Regional Peace and Order Council, ken iti Regional Task Force to End Local Communist Armed Conflict iti maysa a resolusion idi Huebes (Pebrero 24) a mangdekdeklara iti Rehion ti Ilocos kas maysa a lugar nga addaan iti natibker a makin-uneg a kappia ken seguridad kalpasan iti nasurok maysa a tawen ti kaawan iti naranggas nga insidente a pakaramanan ti Communist Party of the Philippines-New People’s Army (CPP-NPA).
Iti maysa a virtual press conference nga indanguluan ti Philippine Information Agency Ilocos regional office, imbaga ni National Security Adviser Hermogenes Esperon Jr. nga awanen dagiti armado a grupo iti rehion kalpasan iti pannakarakrak iti Komiteng Larangan Guerilla (KLG) South Ilocos Sur idi Setiembre 2020.
“Iti addaan tayo ita ket grupo a panggepda a mabangon manen,” kunana. Kinuna ni Esperon nga iti kangrunaan a trabaho ti panangtaginayon iti linteg ken urnos ket naipaiman manipud Army iti Ilocos Police Regional Office kadua dagiti sabali nga ahensia.
“Nagbalinen itan iti Army a katulongan nga ahensia no adda panagkasapulan para ipamaysa dagiti operasion ti militar bayat iti panangragpat iti itatanor ti kappia ken seguridad,” imbagana.
Kuna ni Esperon nga iti Rehion ti Ilocos ket iti kaunaan a maideklara nga addaan iti nasao nga estado bayat a mangnamnama daytoy nga sumaruno dagiti sabali pay a rehion, kas iti Cordillera Administrative Region no sadino a dagiti armado a grupo ket kumapoy metten.
“Saanna kayat a sawen nga agaliwaksay tayon ngem ad-adda pay a nasken nga itulod tayo iti pannakapasayaat dagiti komunidad,” kunana. Imbaga ni National Security Council Undersecretary Vicente Agdamag a 33 barangay iti rehion ket maikkan iti proyekto iti sidong ti Barangay Development Program (BDP).
Duapulo ket pito kadagitoy a barangay ket manipud Ilocos Sur, ken dua a barangay tunggal maysa manipud Ilocos Norte, La Union, ken Pangasinan.
Dagiti barangay nga adda sidong ti BDP ket nawayaan iti pangta ti komunista a terorista iti CPP-NPA babaen iti nabayag a panangpatalged ti police, army, ken iti Department of the Interior and Local Government.
“Adda dagup a 54 proyekto. Iti daytoy a bilang, tallo manipud Ilocos Norte, 46 manipud Ilocos Sur, dua sadiay La Union, ken tallo manipud Pangasinan,” kinunana.
Dagiti recnabayag a panaipient a barangay ket makaawat tunggal maysa iti PhP20 milion a gatad ti socioeconomic development projects nga agturong iti probision ti farm-to-market roads, health centers, electrification, water and sanitation facilities, schools, ken livelihood projects.
Idi 2021, dua a barangay iti rehion iti nagunggonaan manipud BDP.
Kinuna ni Brig. Gen. Krishnamurti Mortela, commander iti 702nd Infantry Brigade nga iti panagdaliasat nga agturong iti agtaginayon a makin-uneg a kappia ken seguridad ket nakalasat iti adu a paset manipud insurhensia (aktibo ken saan unay nga aktibo a probinsia), normalisasion (panangtaming iti panagsusuppiat ken panangipawil iti insurhensia), ken iti panangpatalged ti kappia ken seguridad.
“Amin a probinsia iti rehion ket nawayaanen ita ken saanen nga apektado,” kunana. Imbaga ni Mortela nga dagiti tampok iti kampania kontra iti terorista a grupo iti rehion ket iti pannakarakrak iti guerilla front, pananglinis iti focus areas, ken panangrakrak iti KLG AMPIS idi napalabas a tawen.
Kinunana a 948 miembro iti terorista a grupo iti rehion iti simmuko manipud 2018 agingga 2021. Iti dagup a bilang, 28 iti regular a miembro ti NPA, 52 miembro iti “Milisyang Bayan” manipud kadagiti barangay, ken 867 iti miembro ti underground movement group.
“Puntiria tayo itan a sangoen iti posible a panagsubli ti NPA, panagpabaliw kadagiti dati a kampo iti NPA nga agbalin a komunidad iti kappia, panagpabaliw kadagiti dati a gerillia nga NPA ken iti radikal a tattao nga agbalin a produktibo nga umili, ken panagpabaliw iti Rehion ti Ilocos nga agbalin a kas progressive growth area,” kuna ni Mortela.
Nailista iti CPP-NPA kas maysa a terorista nga organisasion iti United States, iti European Union, iti United Kingdom, Australia, Canada, New Zealand, ken ti Pilipinas.
Pormal a nainaganan a kas terorista nga organisasion ti National Democratic Front iti Anti- Terrorism Council idi Hunio 23, 2021, a dinakamat daytoy a kas “an integral and inseparable part” iti CPP-NPA a naibangon igi Abril 1973.
(HA-PNA Ilocos/PMCJr.-ABN)