1.6 MILYONG TURISTA BUMISITA SA CORDILLERA

April 5, 2024 Headlines

BAGUIO CITY

Iniulat ng Department of Tourism na 1.6 milyong turista ang bumisita sa rehiyon ng Cordillera noong 2023, tumaas
ng 31.55 porsiyento kumpara noong 2022 na may 1.2 milyon. Nabatid ito sa dalawang araw na Cordillera Regional
Tourism Investment Forum 2024 na isinagawa ng DOT-Cordillera sa Cordillera Convention Center sa Baguio Country Club dito mula Abril 2 hanggang 3. Sinabi ni DOT-Cordillera Regional Director Jovi Ganongan na ang kaganapan ay naglalayong pasiglahin ang turismo sa rehiyon.

Sinabi niya na ang forum ay tumatalakay sa pag-unlad ng mga destinasyon ng turista, lalo na sa tirahan, madadaanang maayos na kalsada, komunikasyon, at pagkain, na magpapahusay sa mga pagdating ng turista sa rehiyon. May temang “Elevating Opportunities: Sustainable Investments in Mountain Tourism,” ang unang araw ng forum ay dinaluhan ng mga provincial at local government units at tinalakay ang tourism promotion sa departamento.

“Napakahalaga ng forum na ito para sa turismo sa Cordillera, sa aking paglibot sa rehiyon sa loob ng maraming taon, talagang nakikita natin na ang pag-unlad ay puro sa urban areas, tulad ng Baguio City. Masaya tayo na mayroon ding
paglago ng pamumuhunan sa ibang mga lugar, gaya ng Tabuk City,” pahayag ni Ganongan. Sinabi rin ni Ganongan na kailangang palawakin ang pag-unlad sa iba pang lugar sa Cordillera. “Siguro para mamuhunan sa ibang uri ng pag-unlad sa loob ng Baguio City, Benguet, at iba pang lugar, sinubukan naming i-redirect ang development prospect sa isang paraan. Ang vision natin is talagang sustainable tourism development,” he said.

Sinabi niya na ang turismo sa rehiyon ay unti-unting tumataas, lalo na sa lungsod na ito, isang paboritong destinasyon ngayong “tag-init” sa bansa. Noong 2019, mayroong 2,015,400 tourist arrivals ang Cordillera na bumaba sa 335,028 noong pandemic noong 2020 at bahagyang tumaas sa 412,093 sa susunod na taon.

Zaldy Comanda/ABN