$1 BILLION AQUA FARMING PROJECT MANGRUGI ITI PANGASINAN

August 7, 2021 Headlines

LINGAYEN, Pangasinan – Maysa nga aqua farming project nga aggatag iti US dollar 1 billion ti maibangon iti kabiitan iti Pangasinan kalpasan a pirmaan iti maysa a Japanese government-owned corporation ken iti provincial government ti Pangasinan iti Memorandum of Understanding (MOU) idi Hulio 29.
Sigun ti Provincial Information Office (PIO) iti Pangasinan, ni Yoshihisa Arai, presidente ti Tokushima Auction Market (TAM), maysa a Japanese government-owned corporation, ken ni Pangasinan Governor Amado Espino III ket pinirmaanda iti MOU babaen iti virtual a seremonia idi Hulio 29, 2021.
“The USD 1 Billion project, proposed as Pangasinan Fish Farming (PFF) project, aims to grow and harvest a variety of fishes in Pangasinan waters where over 1,000 local fisher folks will be trained and employed,” kuna ti PIO iti maysa a pagsasao nga nairuar idi Hulio 30.
Kuna iti PIO nga babaen ti proyekto, maipatakder dagiti floating cages, office buildings, artificial intelligence center, dormitories, communication ken data base center, feed warehouse, fish processing plants, cold storage, solid and wastewater treatment facility, medical center ken land development iti Pangasinan tapno mapasayaat iti aqua farming industry ken mangpataud iti ad-adu a trabaho ken gundaway ti pagsapulan iti probinsia.
Kasta met, nagyaman ni Espino iti Tokushima Auction Market iti panangpili daytoy ti Pangasinan kas maysa kadagiti investment areas para iti nagduduma a food-production programs iti kompania.
“On behalf of the Province of Pangasinan, I would like to thank all of our partners for choosing our province for this momentous endeavor,” kuna ni Espino. Inyebkas met ni Espino iti naan-anay a suportana para iti panangparang-ay iti aqua farming industry iti Pangasinan.
Iti sidong ti MOU, nabigbig iti aqua farming industry kas maysa nga anamongan ti kagimongan, mangparang-ay iti ekonomia, ken mekanismo para iti panangpabayag iti aglawlaw iti panangpataud iti taraon ti probinsia.
(EMSA-PIA Pang/PMCJr.-ABN)