5th Sablan Fruit Festival maangay

September 1, 2019 Headlines

SABLAN, Benguet – Nakasaganan daytoy nga ili nga mangisayangkat iti 5th Fruit Festival daytoy a lawas. Kinuna ni Mayor Manuel Munar nga iti tallo-nga-aldaw nga aktibidad manipud Setiembre 2 – 4 ket kaitampukan iti fresh fruit medley nga libre nga maidasar para iti panangtagiragsak ken pangramanan ti publiko.
Dagiti kappuros a prutas kas sua (pomelo), papaya, pinia, bayabas, niog, ken rambutan ket maidasar nga maarkosan iti manmano nga prutas nga ani iti nasao nga lugar kas iti mabolo, durian, mangosteen ken lanzones. Iti fruit medley ket maidasar bayat iti panglukat a programa nga manamnama nga agadup 800 tattao iti maserbian kasla idi napalabas a taw-tawen, sigun ken Agricultural Technician Arthur Mariano.
Mangrugi iti piesta inton Setiembre 2 baeten iti maysa a Eucharistic celebration ken maysa a fruity float parade. Sarunuen daytoy ti panglukat a programa banda 9:00 ti agsapa sadiay Municipal Gym nga ni Governor Melchor Diclas iti bisita nga ispiker.
Sibay iti panglukat nga programa iti maysa a canvass painting ken poster-making competitions para dagiti estudiante ti elementaria ken high school sadiay Municipal Building II.
Malukatan met iti Agro-Industrial Trade Fair tampok dagiti ani ken naproseso a produkto ti ili. Kinamalemanna ket iti panangbirok iti best quality fruits kas iti kadagsennan nga bulig ti saba ken langka; kasasam-itan nga papaya, sua (pomelo), guyabano, ken pinia; ken fruit and berries plating competition wenno iti kabbaro a presentasion iti prutas nga maidasar iti plato.
Maysa a Diskwento Caravan nga inisponsoran ti maysa a nalatak nga supermarket iti maaramid bayat iti tallo-nga-aldaw sadiay igid ti Municipal Hall.
Karaman iti aktibidad ti Setiembre 3 ket iti Farmers Congress. Adda lecture iti citrus production ken root crops protection iti agsapa nga aramiden ti Benguet State University ken presentasion iti Provincial Veterinary Livelihood Program iti Provincial Veterinary Office.
Iti malem ket presentasion ti Office of the Provincial Agriculturist maipanggep ti Philippine good agricultural practice beaten ti orientation ken updates manipud office of the Philippine Crop Insurance Corporation.
Bayat nga agserbi iti congress kas lugar iti pagadalan, adda aktual nga presentasion iti specimen ti soil samples ken gagangay a peste ken sakit nga makadangran kadagiti agrikutural nga ani ken kasano nga malapdan wenno maparmek dagitoy.
Iti maudi nga aldaw ket maipaay para iti competitions ken ground demonstration dagiti estudiante ti elementaria ken high school ken out-of-school youth ken iti civil society organizations, ken awarding of winners iti saba-sabali a kompetision.
Iti piesta ket kapanunutan bayat iti termino ni Vice Mayor Arthur Baldo tattan kas mayor idi tapno tumulong nga mangitandudo iti industria ti prutas iti munisipalidad.
Nalatak iti Sablan gapu iti nasam-it nga pinia, ket iti sumagmamano a tawen itan, tumataud iti ili kas producer iti saba-sabali nga prutas kas rambutan, lanzones, guyabano ken uray durian. Mabigbigbig a kas “fruit basket of Benguet” iti Sablan.
 
SCA-PIA-CAR/PMCJr.-ABN