Master dev. plan ng Burnham park inihahanda na

September 1, 2019 Headlines

LUNGSOD NG BAGUIO – Isang bagong technical working group ang nilikha upang maghanda ng isang master development plan para sa Burnham park reservation.
Inisyu ni Mayor Benjamin Magalong ang Executive Order 049 series of 2019 na nagtatalaga sa sarili niya bilang chairperson ng bagong-likhang committee kung saan sina Councilor Mylen Victoria Yaranon at Architect Joseph Alabanza bilang cochairpersons habang ang City Buildings and Architecture Office ang magsisilbing secretariat.
“There has been different proposals submitted by proponents signifying to build structures within Burnham Park reservation which had been presented in a series of public consultations; and there is now a need for the formulation of a Master Development Plant of Burnham Park,” nakasaad sa EO ng mayor.
Sinabi ni Magalong na ang development plan ay,”will validate the collective aspirations of the people of Baguio.”
Sa nakalipas na mga dekada, ilang pasilidad at anyo ang ginawa na sa loob ng pangunahing parke sa lungsod partikular ang Burnham Lake, Cjildren;s Playground, Skating Rink, Rose Garden at Burnham Bust, Orchidarium, Igorot Garden, Melvin Jones Grandstand and Football Grounds, Old Auditorium parking Area, Athletic Bowl, Tennis Court, Picnic grove, Japanese Peace Tower, Pine Trees of the World, Sunshine Park, Swimming Pool Complex at Ibaloi Heritage Garden gayundin ang konstruksiyon ng concrete perimeter fence.
Noong 2010 ay nagsumite ang University of the Cordilleras Cllege of Engineering and Architecture sa pamahalaanglungsod ng isang Comprehensive Burnham Park Master Development Plan na nakadisenyo na nakaayon sa kalikasan na gumabay sa lungsod sa kamakailang pagbabago dito.
Base ito sa nilagdaang Memorandum of Agreement sa pagitan ng mga opisyal ng UC at ng gobyerno nglungsod sa ilalim ni dating mayor Peter Rey Bautista at dating City Parks and Tourism Committee chairperson Pinky Chan-Rondez.
Handog ng MOA ang isang libreng design plan para sa Burnham park bilang community service sa Centennial Charter Anniversary ng Baguio. Ang plano ay likha ng isang team nmga eksperto at estudyante mula UC College of Engineering and Architecture sa pamumuno ni Architect Robert Romero na may pangitaing modernong Burnham park na mayroong green and sustainable inputs upang lubos na magamit ang lupa at mga pasilidad.
Nadisenyo rin ang parke upang mabigyankasiyahan ang mas maraming bisita anumang edad at kalagayan sa buhay dulot ng likas na mangha ng palibot habang nasisiyahan sa mga amenidad ng bagong teknolohiya.
Sa ilalim ng bagong committee, lahat ng ibang panukala ay rerepasuhin ng 22 miyembro ng team na mula sa pampubliko at pribadong sektor.
 
JMS-PIO/PMCJr.ABN