Apo, Pakawanennakami koma…!

October 21, 2019 Sirmata ken Tagtagainep ni Mang Gusting

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo…?

Kumusta metten ti biag tayo kailian…Sapay ka koma ta napia kayo latta a kanayon.. Bayat a sursuraten tayo daytoy kolum tayo, kumpirmadon kailian, kakaarruba a walon dagiti nasarakanda a bangkay ken rurog ti tao iti maysa a derraas iti ili a Tuba, Benguet…saanen a nabigbig dagiti dadduma ta nagrupasadan malaksid kadagiti naud-udi a nasarakanda a nabigbigda babaen iti tattoo iti bagida..makapakintayeg a panunoten ti ipapatayda wenno nagbanaganda a no sadino ket naibelleng laeng dagiti bangkayda iti derraas…Imbes koma a naitabonda wenno naipaayanda iti desente a pannakaidulin ti bangkayda..

Ti burburtia kadatayo ket asino dagiti pimmatay ken ania ti motiboda.? Ania ti basol dagitoy a biktima? No saan tayo nga agbiddut adda manen daydi panawen nga adu manen idi nasarsarakanda a bangkay iti dayta a lugar a maatap a naitapuak laeng wenno nabelleng..ta segun idi kadagiti imbistigador, awan Nakita da a pagilasinan a dita ti nangpatayanda kadagiti bangkay ngem ketdi, naibelleng laeng…

Adu nga opinion ken kapanunotan ti naga-on kadatayo ken kakailian no ania manen kaipapanan dagitoy a pagtaeng…nadusa dagiti biktima a di man la naipaay kadakuada ti husto a proseso tapno mausig ken maipaay kadakuada ti umno a dusa , saan ketdi a makednganda babaen ti patadem wenno paltog…

Apo, pakawanendakami koma…nagduduma met ti espikulasion…adu a kapanunotan ti tunggal maysa no ania ti basol dagitoy..kasanu kadagsen ta napapatayda lattan a makuna nga awan gawayda…

Ngem ala, kakayong..kailian..italek tayo laengen iti Apo a Namarsua ti kararuada…ikararagantayo koma ida a makasaklangda iti pagarian ti Dios. No aniaman ti nakabasolanda a nakadusdaanda iti kasta a wagas nga ipapatay, ikararag tayo met a maipaay koma kadakuada ti hustisia..Saan koma nga agsardeng dagiti maseknan a mangtakuat no ania ti gapuna a napapatay ken naibelleng ti bangkayda piman…

Maibaliw tayo man kakayong ti topiko tayo…intayman sublian dagiti nagbalin a topiko tayo iti napalabas nangruna iti clearing operations kadagiti kalsada tayo iti siudad ken kadagiti obstruction kadagiti sidewalk….nagdeadline idi agtapus ti setiembre ti pammailin ti president a masapul nga ipatungpal dagiti local government officials ti nasao a pammilin..uray dagiti barangay officials, nabilin met dagitoy gapu ngarud iti pammilin ti opisina nga akinsakup kadagitoy..makuna tayo a balligi ta adu’t nadalusan a kalkalye ken kalsada agingga kadagiti barangay roads…ngem, kadagitoy adda manen nadlawmi…nagsubli manen dagiti sulpeng nga adda luganna ta parada ditoy parada manen idiay…ti koma aramiden dagitoy barangay officials, mangaramid da koma iti barangay ordinance da a mangituding iti oras ti panagparada dagiti pada nga awan garahena ngem gimmatangda iti Luganda.

Adda man nabasa tayo a malutluto a linteg ket saludo kami iti daytoy. Ti linteg a di mabalin ti gumatang iti baro a lugan no awan garahena…sapay koma ngarud ta maipasa dayta a linteg tapno maliklikan ti panagadu ti lugan nga uray awan makuna a garahena.

O p s s s s s … . a l l a , Kakayong…kasta pay ta ne…naimasan tayo m a n e n . . n a l i p a t a k metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup
muahmuahh…