Baro a fisherfolk director pinatugaw ti BFAR

May 5, 2019 Headlines

SIUDAD TI SAN FERNANDO – Napili kas baro nga national fisherfolk director ni Dante Noces manipud Lingayen, Pangasinan bayat na ni Rudy Altre manipud Balaoan, La Union nga agtugaw nga regional fisherfolk director.
Pada nga akmen ti dua dagiti puesto da kagiddan dagiti sabali pay nga rehion para iti intero nga bulan ti Mayo sadiay Bureau of Fisheries and Aquatic Resources (BFAR).
Daytoy ket paset ti pananglagip iti 16th Farmers and Fisherfolk Month daytoy nga bulan ti Mayo nga rangta nga maipaay ti maiparbeng nga panangdayaw nga itampok dagiti akemda kas aktibo nga kadua ti gobierno iti panangbangon ti nasion.
Pinili dagiti padana nga fisherfolk leaders ni Noces babaen iti maysa nga national fisherfolk assembly.
Isuna iti chairman ti Integrated Fisheries and Aquatic Resources Management Council (IFARMC) ti La Union ken pito a tawen nga nagtakem kas regional fisherfolk representative.
Kabayatanna, ni Altre ket miembro met ti IFARMC sadiay Pangasinan ken maysa a retirado nga opisial ti Navy ken aktibo ti regulatory enforcement activities.
Sipud 2005, bigbigbigen ti BFAR ti maysa nga regional fisherfolk director kada regional office tunggal tawen.
Iti panagpili ti fisherfolk director para kada rehion ket linaun iti Special Order No. 88 ti Department of Agriculture nga addaan tema na nga, “Mangingisdang Direktor Para sa Matatag na Balikatan.”
“Tapnu maammuan da dagiti kinarikut iti burokrasia, nangruna iti ahensia tayo, gapu ta isuda ket kadua tayo nga mangimaton ken mapabileg dagiti pagkalapan tayo,” kinuna ni BFAR regional director Lilibeth Sigley.
Iti sidong ti programa, dagitoy nga regional fisherfolk directors ket agtungpal kadagiti rutina nga trabaho da kas maysa nga regional director, malaksid dagiti karaman iti ada pakanainaigan ti pinansial ken plosia nga banbannag.
Manamnama kadakuada nga mangisayangkat da iti naduma-duma nga aktibidad kadagiti aplaya nga komunidad.
Maysa pay nga aktibidad para iti selebrasion ket iti Tienda nga pakipasetan dagiti BFAR assisted cooperators nga kaadduan ket babbai.
Mapasamak iti Tienda inton Mayo 9 – 10 iti ruar ti BFAR regional office. Iti tema para daytoy nga tawen ket, “Nasa Pagkakaisa ang Lakas at Nasa Sama-Samang Pagkilos ang Tagumpay.”
 
PIA-1/PMCJr./ABN