Bayan ng Pangasinan ipinagbawal ang pagtitinda,distribusyon ng alak

March 23, 2020 Provincial

CALASIAO,Pangasinan – Ipinagbawal ng local na gobyerno ng bayan ng Calasiao ang pagbebenta at distribusyon ng alak at iba pang alcoholic beverages sa munisipalidad kaugnay ng implementasyon ng enhanced community quarantine sa buong Luzon sa gitna ng banta ng coronavirus disease 2019 (COVID-19).
Nilagdaan ni Mayor Joseph Arman Bauzon noong Marso 19, 2020 ang Executive Order No. 15 na nagbabawal sa pagbebenta ng alak at iba pang nakakalasing na inumin sa publiko.
Sa kaniyang kautusan ay sinabi ni Bauzon na ang pagbebenta ng alak sa publiko ay nagdudulot ng panganib sa buhay, katawan at kaligtasan ng tao sa panahong ito ng kahirapan, kaya ang pagsunod sa batas ay dapat mahigpit na ipatupad.
“It is primordial duty of the LGU to promote and protect the welfare of its constituents, thus the sale and distribution of liquor and alcoholic beverages in the municipality of Calasioa is prohibited,” ani Bauzon.
“The Municipal Police Station in Calasiao, Business Permit and Licensing Office and Barangay Officials within their respective jurisdiction are ordered to monitor the strict compliance of all establishments including groceries, retail stores, sari-sari stores, online sellers and delivery services and apprehend all violators,” sinabi ni Bauzon sa kaniyang EO.
“All establishments and business activities apprehended violating the ban, shall face automatic revocation of their business permits,” iniutos ni Bauzon.
Ang EO ay magiging epektibo hanggang Abril 15, 2020 o sa oras ng assessment ng COVID-19 Inter-Agency Task Force.
EMSA, PIA-Pang./PMCJr.-ABN