“Big 3” infra projects, din agbayag tumakder sadiay Ilocos Norte

July 6, 2019 Headlines

SIUDAD TI LAOAG, Ilocos Norte – Nangorganisar iti provincial government ti Ilocos Norte iti maysa nga aggigiddan nga groundbreaking ceremony para iti tallo a multi-billion infrastructure projects idi Hunyo 28 nga indanguluan ni
pumanaw a gobernador ken senator-elect Imee Marcos.
Iti seremonia ket damo a naangay sadiay Ferdinand E. Marcos Memorial (FEMM) Stadium para iti naan-anay nga
rehabilitasion daytoy, nga sinaruno ti Dap-ayan Food Park para iti posible nga rekonstruksion ken iti maudi
nga paset ket sadiay Kapitolio ti Probinsia para iti pannakapalawa iti pasdek daytoy.
Naawagan a “Big 3” dagitoy nga napondoan iti dakkel nga proyekto ti imprastraktura ket paset iti master plan para ti Metro Ilocos nga matungpal to iti sidong ti baro nga administrasion ti anak
na ket baro a gobernador Matthew Marcos Manotoc.
Para iti pondo dagiti proyekto, nangilatang iti gobierno iti probinsia ti nasurok a PhP1 bilion para iti rehabilitasion ti FEMM stadium, pannakapalawa iti Kapitolio ti Probinsia nga addaan PhP640
milion nga pondo, ken iti Dapayan Food Park nga addaan PhP360 milion nga pondo.
“Let us now pivot to an emphasis on the youth on wellbeing, and sports on health and development (ipusipos tayon ti panangipaganetget kadagiti ubing iti pagimbagan, ken ti sports ken salun-at ken irarang-ay),” kuna ti senadora.
Nupay kasta, impaganetget na nga mangpuonan saan laeng ti imprastraktura ngem mangrugi
nga mangpuonan kadagiti tattao. “Ilocanos, young and old, invest in our students and our athletes, invest also in those that are often left behind the PWD, our senior citizens and those who are young and very often ignored (dagiti Ilocano, ubbing ken nataengan, mangpuonan kadagiti estudiante ken atletatayo, mangpuonan met kadagiti agtutubo ken masansan a di maikankano),” innayon na.
Iti dagus nga kontruksion dagiti proyekto, mamati ni Senator Marcos nga mangited daytoy iti
nasayaat nga panagbaliw iti probinsia. “Change is indeed here and change will transform Iocos Norte once again to people-centered, student-invested learning driven capitol (iti panagbaliw ket pudno nga additoy ken iti panagbaliw ket pagbalinenna manen ti Ilocos Norte nga nakasentro ti tattao, mangpuonan-iti-estudiante nga tinigay ti panagadal ng kapitolio),” inranud ni Marcos.
Kabayatanna, inyebkas ni Governor Manotoc iti ragsak na iti panangtultuloyna iti patawid ti
pamilia Marcos. “Harder work is to come with the construction but today marks a very historic, significant, and monumental day (narigrigat nga trabaho iti sumangbay iti konstruksion ngem ita ket maikur-it ti maysa nga historikal unay, napateg ken naisangsangayan nga aldaw),” kunana.
Nabiit kalpasan iti seremonia, iti “turn-over” kadagiti dokumento manipud iti pumanaw nga
gobernador iti sumaruno nga gobernador ket naangay iti sango ti pasdek ti Kapitolio ti Probinsia.
Kalpasan ti panangawat na iti tulbek ti responsibilidad, kinuna ti ubing nga gobernador nga
mangnamnama daytoy nga agtrabaho nga sikukuyog kadagiti lokal nga opisiales iti panangtaginayon ti maysa nga narang-ay nga probinsia para kadagiti Ilocano.
 
MJB/JND/PIA-1/PMCJr.-ABN