“Cash-for-work” a programa iyussuat ti Ilocos Norte

April 4, 2020 Headlines

SIUDAD TI LAOAG – Iyussuat ti provincial government ti Ilocos Norte iti maysa a “cash-forwork” a programa para kadagiti naawanan trabaho nga inaldaw a kumitkita nga naapektaran iti mayas-bulan nga enhanced community quarantine nga naipasidong iti intero a Luzon.
Babaen iti Provincial Environment and Natural Resources Office (PENRO) ken Provincial Social Welfare and Development Office (PSWDO), panggep iti “cash-for-work” a programa nga palag-anen iti epekto iti ekonomia gapu iti enhanced community quarantine.
“Itong cash-for-work program natin ay tulong para sa mga displaced daily wage earners. Alam natin na malaking tulong ito para sa mga manggagawang arawan kung sumahod.
Alam din natin na dahil sa community quarantine ay suspended na ang lahat na transportation services kaya ang mga tricycle at jeepney drivers ang pinakamakikinabang sa programang ito (daytoy cashfor-work a programa tayo ket tulong para kadagiti naawanan ti inaldaw a pagkakitaan.
Ammo tayo nga dakkel a tulong daytoy para kadagiti trabahador nga inaldaw nga agsapsapul. Ammo tayo met nga gapu iti community quarantine, suspendido iti amin a serbisio ti transportasyon isu nga dagiti tricycle driver iti nangruna a makagun-od iti daytoy a programa),” kuna ni PENRO program head Estrella Sacro.
Idi Marso 17, amin nga kita iti transportasion a pangpubliko ket suspendido kalpasan nga impasidong ni Presidente Rodrigo Duterte iti intero nga isla ti Luzon iti enhanced community quarantine.
Para iti Ilocos Norte, nangilatang iti gobierno ti probinsia iti PhP15 milion manipud badyet ti PSWDO para iti umuna bunggoy dagiti benepisario iti programa ti panggedan.
Kanayonan a badyet ket mailatang no kas pagarigan nga mapawayway pay iti community quarantine. Maysa pay, kas paset iti “Narimat nga Aglawlaw”, maysa a environmental preservation campaign iti intero a probinsia, panggep iti cash-for-work nga taginayonen iti kinalinis dagiti aglawlaw nangruna iti kita ti kalamidad nga sagsagrapen ti pagilian ita.
“Ang priority natin ngayon ay maintenance ng flood control projects at revenue generating activities. Ito ang instruction ni Governor Matthew Marcos Manotoc sa atin. It should be sanitation and cleaning of surroundings including rivers, creeks, coastal clean-up, and canal unclogging.
P255.00 will be their daily salary (ipangpangruna tayo ita iti panangmentenar ti flood control projects ken revenue generating activities. Daytoy iti bilin ni Governor Matthew Marcos Manotoc kadatayo.
Nasken iti sanitasionken panaglinis iti aglawlaw karaman dagiti karayan, waig, igid ti baybay ken panagdalus kadagiti kanal. PhP 255.00 iti inaldaw a sueldoda “ innayon ni Sacro.
Kinunana pay nga iti listaan dagiti benepisario ket natingiteng ken napili iti opisiales ti barangayda nga agdama nga maur-uray iti anamong ti gobernador. Naikeddeng nga mangrugida daytoy a lawas.
MJTAB-PIA-IN/PMCJr.-ABN