DA mangipasdek ti solar-powered irrigation systems kontra El Niño

March 17, 2019 Headlines

Inpakaammo ni Agriculture Secretary Emmanuel F. Piñol idi napalabas nga Biyernes nga mangipasdek ti departamento ti agarup 6,200 solar-powered irrigation systems iti intero nga pagilian a kas short-term solution tapno marisut ti epekto ti El Nino nga isu’t gapu ti tikag.

“Daytoy ti short-term resolution kontra El Niño, mangipatakder ti maysa nga solar-powered system. Iti proyekto ket adaan pondo nga PhP 4 bilyon.” Kinuna ni Piñol iti maysa nga interbiu.

“Mangpataud ti nasao nga solar panels ti enerhiya nga kasapulan para ti irigasyon tapno agandar daytoy. Agbalin nga epektibo unay daytoy kabayatan ti namaga a panawen,” innayun na pay a sinao.

Nasao pay ni Piñol nga ti pannakaibangon kadagiti water impounding dams ket maysa nga nabayag nga solusion nga kasapulan iti adu nga bulan nu saan ket tawen pay tapno maipalpas.

Iti umuna ket imbaga ni Piñol nga iduron da ti maysa nga linteg (bill) nga masapul nga ipatungpal dagiti komunidad ti pannaginut ti danum ken kasta met programa nga mangpreserba kas iti small water impounding ken small water catchment basin.

“Aramidenmi ti amin a kabaelanmi tapno mairaman daytoy nga linteg iti legislative agenda ni Presidente,” kuna ni Piñol.

Kinuna ni Piñol nga addaan promedia a 22 bagyo ti mangdaldalapus iti pagilian kada tawen nga nasken a kitaen baiten ti maysa a positibo a pamay-an, maaddaan ti nainget nga tignay nga mangurnong ken mangidulin ti danum ti tudo tapnu addaan mausar ti masakbayan.

“Iti bill nu mapirmaan tapno agbalin nga linteg ket dagdagen dagiti umili ti pannaginut ken naimbag nga pannakausar ti danum iti kabayatan ti kalgaw,” kinunana.

Kunana nga maysa daytoy nga wagas nga aramiden gapu ta kasapulan ti pagilian nga mangipatungpal ti panangtaginayon ti agrikultura.

“Addanto tiempo nga saanen nga kabaelan ti sanikua tayo nga pakanen ti populasion iti pamayan nga mangpataud ti taraon kasla ita ket ditay kayat nga mapasamak dayta,” innayunna.

Kabayatanna, indagadag ni Agriculture Undersecretary for operations, Ariel Cayanan kadagiti mannalon nga agmula kasapulan laeng ti bassit nga danum ket kunana nga mangkitkita ti departamento kadagiti bin-i nga natibker ti peste ken sakit.

Kinuna ni Cayanan nga dagiti amin a crop pest management personnel ti Bureau of Plant Industry (BPI) ket naka-full alert iti panangmonitorda kadagiti peste ken sakit ti mulmula.

Kinunana nga mangipaay ti Philippine Crop Insurance Corporation (PCIC) iti pautang para kadagiti mannalon tapno masiguro nga addaanto recovery fund para kadagiti mannalon nu dumteng ti oras nga nakaro nga naapektaran ti mulada gapu ti tikag.

“Yantangay nga addaan tayon ti Program Loan Easy Access, iti pinansial a tulong ken kasapulan dagiti mannalon ket maipaay kadakuadan,” kinuna ni Piñol .

(PNA/ABN)