DILG nangikondukta ti Barangay Levelling Session sadiay Ilocos Sur

May 29, 2021 Headlines

ILOCOS SUR – Indanguluan ti Department Department of the Interior and Local Government (DILG) iti Ilocos ti panangkonduktar iti Joint Regional/Provincial Task Force to End Local Communist Armed Conflict (R/PTF ELCAC) Barangay Levelling Session para iti Ilocos Sur idi Martes, Mayo 25.
Nasurok a 2,000 ti timmabuno nga buklen dagiti Liga ng mga Barangay presidents, punong barangays, barangay kagawads, Sangguniang Kabataan presidents ken dagiti miembro, ken dagiti indigenous people mandatory representatives (IPMRs) manipud 768 barangay iti probinsia ti nakipaset iti nasao nga aktibidad.
Kinuna ni DILG iti Ilocos Regional Director James Fadrilan nga iti nasao a programa ket mayangkla iti napolitikaan a determinasion ken natibker a kari ni Presidente Rodrigo Duterte nga ibusan iti komunista nga insurhensia ditoy pagilian.
“Ang layunin ng Barangay Levelling Session ay palawigin ang kaalaman tungkol sa communist group na Communist Party of the Philippines-New People’s Army-National Democratic Front (CPP-NPA-NDF); lubos na maunawaan ang Executive Order No. 70 National Task Force ELCAC Framework; at malaman kung ano ang kasalukuyang programs ng bawat national government agency o 12 lines of effort to end local communist armed conflict,” kuna ni Fadrilan iti pagsasao a Tagalog.
Iti maysa a mensahe ni National Security Adviser Secretary Hermogenes Esperon impasiguradona ken dinawatna kadagiti ahensia nasional kas miembro it Task Force ELCAC ken dagiti barangay nga agtrabaho a kas maymaysa tapno masolbar dagiti problema ti insurhensia nga maragpat iti manayon a talna ken rang-ay.
Imbagana a 84 porsiento iti 1,715 nga probinsia, siudad ken munisipalidad iti intero a pagilian ti nangipasa kadagiti resolusion babaen kadagiti bagi ti linteg a mangkonkondenar dagiti kinadangkok ti CPP-NPA-NDF ken mangdekdeklara kadakuada a kas persona non grata iti lug-lugarda.
Kinuna ni Secretary Esperon nga ti Region Ilocos ket maysa kadagiti uppat a rehion nga asidegen ti naan-anay a deklarasion ti persona non grata nga addaan 99 porsiento a deklarasion. “I would like to thank all local government units for their support and willingness to declare that communist terrorist groups are indeed persona non grata,” kunana iti Ingles.
Nangted met ni Governor Luis Singson iti maysa a makapanamnama a mensahe nga ar-aramiden ti administrasionna iti amin kabaelanna a makatulong ken maipatungpal dagiti saba-sabali a programa ken proyekto a sungbat iti kangrunaan a pakasapulan ti masakopna, ken kasta met inyebkasna iti panagyamanna iti amin ta iti probinsia ket naideklaran a siwaya-wayan kadagiti armado a grupo.
Iti biangna, impresentar ni DILG-Ilocos Sur Provincial Director Randy dela Rosa iti outputs bayat ti Regional Consultation for Peace and Development Program. Dagiti sabali pay a timmabuno nga ahensia ket karaman iti National Intelligence Coordinating Agency (NICA) nga impakaammo daytoy kadagiti nakipaset dagiti isyu ken parikut iti operasion ti CTG; iti Philippine Army ken iti Ilocos Sur Police Provincial Office para iti updates panggep ti kasasaad ti talna ken urnos iti probinsia; iti National Economic and Development Authority, Technical Education and Skills Development Authority, National Commission on Indigenous Peoples, ken iti Department of Justice nga nagiprisentar kadagiti napateg a naleppas, programa, serbisio, ken sadino ti turungen; bayat nga iti Provincial Government ti Ilocos Sur, babaen ti Provincial Social Welfare and Development Office ket impresentarna dagiti naleppas ti PTF-ELCAC.
Iti umuna a paset ti Barangay Levelling Session ket naaramid idi Lunes (Mayo 24) para kadagiti lokal nga opisiales ti Ilocos Norte bayat nga iti pareho nga aktibidad ket naaramid idi Mayo 27 ken idiay Pangasinan idi Mayo 28.
(AMB-PIA IS/PMCJr.-ABN)