Gob Singson nangipasdek ti pagalagadan para public transport manipud MGCQ agturong MECQ, ECQ a lugar

April 17, 2021 Headlines

ILOCOS SUR – Improklamar ni Governor Ryan Luis Singson iti Executive Order (EO) No. 29 idi Domingo, Abril 11 nga mangpalpalubos kadagiti utility vans (UVs) nga agbiahe manipud local government units (LGUs) nga adda sidong ti modified general community quarantine (MGCQ) agturong ti modified enhanced community quarantine (MECQ)/ECQ a lugar ken adsubli ditoy a probinsia nga mangibiahe kadagiti health workers, frontliners, ken trabahador dagiti establisimiento a napalubusan nga ag-operate.
Kinuna ni Governor Singson nga, “There is a need to help Ilocos Surians, especially our health workers and other frontliners in travelling to work but without necessarily compromising the restrictions set forth for LGUs under the MECQ/ECQ.”
Iti daytoy a panggep, dagiti laeng units nga addaan nasken a prangkisa ken special permits nga inusyu ti Land Transportation Franchising and Regulatory Board (LTFRB) iti mapalubuson nga agbiahe. Maysa a number coding iti maipatungpal tapno makontrol iti bilang dagiti units nga agbiahe iti uneg ti probinsia bayat nga adda dagiti LGU nga naipasidong iti MGCQ/ECQ nga aggigidan.
Dagiti lugan nga agpatingga iti numeroda iti 0, 2, 4, 6 ken 8 ket mapalubosan nga ag-operate iti Lunes, Mierkoles, ken Biernes. Dagiti agpatingga iti 1, 3, 5, 7, ken 9 ket mabalin nga ag-operate iti Martes, Huwebes, ken Sabado bayat nga awan coding iti aldaw ti Domingo.
Tapno mapalaka iti pagkargaan ken pagidissaagan kadagiti pasahero nga aggapo MGCQ agturong iti MECQ/ECQ a lugar ken agsubli, amin a UV/PUV ket nasken a limitaran ti drop off ken pick up points iti uneg ti national highway.
Iti LGU nga ayan ti maysa a terminal, nu pay kasta, ket mapabulsoan dagiti UV/PUJ nga sumrek iti masakupanda basta di da mabalin nga diskarga/agkarga iti uneg ti lugar malaksid iti naikeddeng a terminal ti LGU.
Iti daytoy a panggep, iti LGU ket mangited iti nasken a terminal protocols nga suruten nga ikabilangan dagiti protocols nga ited daytoy nga EO. Dagiti operator, sakbay a parubuaten manipud garaheda nasken a regular nga sukimaten iti salun-at dagiti driver mga agmaneho baeten iti panangkita iti body temperature ken panangsukimat/panangammo iti aniaman a sintomas ti COVID 19.
Nu agpakita iti sintomas ti COVID-19 iti driver, maiparit daytoy nga agreport ti trabaho ken nasken a maipasidong a dagus iti quarantine. Malaksid iti routine pre-dispatch inspection ken panangsiguro ti kinatalged dagiti unitsda, amin a unit ket naynay amaispreyan iti disinfectant agent.
Nasken a kanayon nga agsuot dagiti driver iti face mask ken face shield. Amin nga pasahero ket kalikaguman nga agaruat iti face mask ken face shield tapno mapalubosanda a sumakay kadagiti UV/PUJ. Iti polisia a “No Face Mask, No Face Shield, No Rider” ket nainget a maipatungpal.
Madisinpektar amin unit. Amin a rabaw nga nalaka nga makontaminar, nangruna dagiti tugaw, pagipatayan iti takiag, ken pagoggaman ket masapol a mapunasan iti disinfecting agent uray mamidua a beses bayat iti panagbiahe, wenno kalpasan iti tunggal biahe, panagsardeng, stop-over wenno panagsinnukat iti personnel.
Ag-operate dagiti UV/PUJ iti napabassit a kapasidad. Mapalubosanda a mangitulod laeng iti agingga walo nga pasahero karaman iti driver.
Amin a driver ket nasken addaanda iti listaan dagiti pasahero launen iti kompleto a nagan, contact numbers, address, petsa ken oras iti panagbiahe iti tunggal pasahero. Nasken nga maysa a tugaw iti baet dagiti pasahero iti uneg ti UV/PUJ.
Awan ti rembeng nga agsasao ken awan iti mang-mangan iti uneg ti UV/PUJ. Maiparitda a umawag iti cellphone bayat nga addada iti uneg ti lugan. Awan a pasahero nga symptomatic iti mapalubosan nga agbiahe. Daytoy a bilin ket agtalinaed nga naipatungpal agingga mawaswas iti deklarasion ti MECQ/ ECQ kadagiti LGU.
AMB-PIA IS/PMCJr.-ABN