Home quarantine mapalubosan sadiay Ilocos Sur daytoy a Paskua

December 12, 2020 Headlines

ILOCOS SUR – Gapu iti espiritu ti panawen ti Paskua, pinalubosan ti gobyerno ti probinsia ti Ilocos Sur iti amin a returning residents (RR), locally stranded individuals (LSI) ken returning overseas Filipino (ROF) nga maipasidong ti quarantine iti uneg ti pagtaenganda ngem nasken a sumurot iti nainget nga health ken safety protocols.
Improklamar ni GovernorRyan Luis Singson iti Executive Order No. 45 series of 2020 idi Nobyembre 27 nga mangigagbaga nga manipud Disiembre 7, 2020 agingga Enero 10,2021, amin a residente ti Ilocos Sur nga agdama nga adda ruar ti probinsia ket mapalubosan nga agawid kadagiti pam-pamiliada para iti panawen iti Paskua, ngem nasken a sumurot kadagiti pagalagadan.
Iti panagbiahe dagiti RR/LSI/ROF ti Ilocos Sur ket maikoordinar kadagiti local government unit (LGU) iti residente. Para iti daytoy a panggep, mangalada iti maysa a Certificate of Acceptance manipud ti Barangay Captain ti lugar ti residencia, nangruna nga nailanad ditoy iti nagan/nagnagan ti tattao nga mapalubosan nga sumrek kadagiti barangayda. Daytoy a dokumento ket maiparang iti border sakbay nga makastrek iti probinsia.
Awan ti facility quarantine nga kasapulan para asinoman nga RR/LSI/ROF iti daytoy a panawen.
Basta nainget nga agtalinaedda iti pagtaenganda kadua dagiti pamiliada iti uneg ti 14 aldaw iti isasangpetda. Daytoy ket tapno maipasigurado iti talged ken malappedan iti kasta pay a pannakaisarang iti sabali a tattao iti komunidad.
Ngem kasukat iti facility quarantine requirement, dagiti RR/LSI/ROF ket maipasidong iti antigen test iti maikapat nga aldawda iti probinsia. Maulit daytoy a test iti maikawalo ken maika-12 nga aldawda nga kalpasanna mapalubosanda nga makiraira iti komunidad. Ti gastos ti mandatory antigen testing iti maikapat, maikawalo ken maika-12 nga aldaw iti probinsia ket akemmen iti RR/LSI/ROF.
Amin nga lokal a miembro ti sangkabalayan iti asinoman a RR/LSI/ROF ket maitrato kas persons under monitoring (PUMS) iti uneg ti 14 nga aldaw manipud oras a simmangpet dagiti RR/ LSI/ROF iti babbalayda. Nainget a paliiwen ti LGU dagiti panaggaraw ti RR/ LSI/ROF ken kasta met dagiti lokal a miembro ti pagtaengan para ti contact tracing.
Asinoman nga RR/LSI/ROF nga mapalubosan nga sumrek iti probinsia ngem agkedked a maipasidong iti antigen test iti maika-4, maika-8 wenno maika-12 nga aldaw ti a panagnaed ket maindorso para iti isolation iti maysa a quarantine facility wenno duly accredited isolation facility ti LGU ta nu saan, kasapulan nga pumanaw isuna iti probinsia ken agsubli iti lugar a naggapuanna.
Dagiti menor de edad a sero agingga tallo a tawen ket saan nga maipasidong ti antigen test. Iti munisipalidad ti Magsingal, inyanunsio iti Municipal Health Office idi Sabado (Disiembre 5) nga iti antigen test ti RR/LSI/ROF ti maika-4, maika-8 ken maika-12 nga aldaw ti panagnaed ket baklayen iti LGU.
Iti sumaganad ket dagiti dokumento nga maiprisenter sakbay ti iseserrek kadagiti pagbeddengan ti Ilocos Sur:
For LSIs, health certificate; travel authority (unless transported by any assisting government agency/initiative); proof of residence in Ilocos Sur; Certificate of Acceptance from the LGU of residence; and negative RT-PCR (reverse transcription polymerase chain reaction) result taken within 72 hours from the date of entry or antigen test issued within 24 hours before entry, if RT-PCR is not available.
For RR, health certificate; travel authority; ID with residential address in Ilocos Sur; Certificate of Acceptance from the LGU of residence; negative RT-PCR result taken within 72 hours from the date of entry or antigen test taken within 24 hours before entry, if RT-PCR is not available; and certificate of employment stating the status of employment and/or period of the approved vacation from work.
For ROF, certificate from Bureau of Quarantine that he has either completed the 14-day quarantine period or at least have been subjected to initial quarantine immediately upon arrival in the Philippines; result of negative RT-PCR; travel authority (unless transported by the Overseas Workers Welfare Administration/Department of Transportation or any assisting government agency); and Certificate of Acceptance from the LGU of residence.
Iti residente ti LGU nga RR/LSI/ROF ket ket isut responsable nga nainget nga mangpaliiw kadagiti panaggarawda mairaman dagiti lokal a miembro ti pagtaengan. Nasken nga kitaenda nga amin a protocols nga naidatag ket matungpal ken maaddan iti record karaman dagiti resulta ti antigen test ti sumuno nga aldaw manipud isasangpetda. Kasta pay, iti LGU ti residente ket addaan turay nga mangikeddeng iti pagannurutan para iti nainget a panakaimplementar daytoy a bilin.
Agingga daytoy a panagsuratn adda 38 aktibo a pasiente ti COVID-19 iti probinsia. Iti dagup 137 kaskaso nga nairekord ti Ilocos Sur, 97 ket immimbag ken dua ti natay.
AMB-PIA IS/PMCJr.-ABN