Idagdagadag ti DTI-Ilocos Sur kadagiti tattao nga itandudoda ti lokal a baboy

November 25, 2019 Headlines

SIUDAD TI VIGAN – Indagadag iti Department of Trade and Industry (DTI) sadiay Ilocos Sur iti publiko nga itandudoda laeng ti produkto a karne ti baboy manipud probinsia agingga’t bumaaw iti peggad ti African swine fever (ASF) iti industria ti baboy.
“Itandudo tayo dagiti local producers ken makasiguro tayo nga dagiti karneda ket natalged ken naggapu kadatayo,” kuna ni Amelia Galvez ti DTI-Ilocos Sur kabayatan ti Dap-ayan Ilocos Sur media forum iti Philippine Information Agency idi Huwebes.
Kinuna ni Galvez nga dagiti gumatgatang ket mabalin a makakitada iti babbabassit nga naproseso a produkto nga karne ti baboy kadagiti grocery stores daytoy holiday season, agraman iti tradisional nga hamon ti Christmas, gapu iti temporario a pannakaiparit ti iseserrek dagiti sibibiag nga baboy ken frozen nga karne ti baboy idiay probinsia.
Malagip nga imparuar ni Governor Ryan Luis Singson iti Executive Order No. 24, s. of 2019 idi Agosto 22 nga temporario nga mangiparit iti iseserrek sadiay probinsia dagiti sibibiag nga babbaboy manipud saba-sabali nga probinsia, ken frozen nga karne ti babbaboy a kas natalged nga adding tapno masigurado nga saan nga maapektaran ti ASF dagiti babbaboy sadiay probinsia.
Iti intero-a-probinsia nga temporario nga pannakaiparit ti iseserrek dagiti produkto ti karne ti baboy ken sibibiag nga babbaboy ket nagpuwersa iti pannakaikkat iti pork meals manipud kadagiti menu iti maysa a fastfood chain idiay Vigan City ken karne ti baka, manok ken taraon ti baybay laeng iti mabalin nga orderen.
Kabayatanna, impakammona nga iti mabiit ket mangisayangjat iti DTI ti maysa a Diskwento Carvan kadagiti munisipalidad ti Sigay ken Sugpon. Iti Diskwento Caravan ket maysa kadagiti mekanismo ti gobierno nga manayunan ti kita ken mangted bang-ar kadagiti agub-ubra babaen ti non-wage benefits.
Daytoy ket maysa a serbisio publiko nga ipapaay ti DTI nga addaan pannakikadua kadagiti dadakkel a retailers ken distributors.
 
AMB/PIA Ilocos Sur/PMCJr.-ABN