Ilocos mangsangaili iti Invention Contest ken Exhibits

October 14, 2019 Headlines

SIUDAD TI CANDON, Ilocos Sur – Mangsangaili iti Heritage Province ti Ilocos Sur iti maangay a Regional Invention Contest and Exhibits (RICE) iti Department of Science and Technology (DOST) nga maaramid inton Oktubre 15-17 ditoy a siudad.

Iti tema a “Science for the People: Inventions and Innovations for Sustainable Development,” panggep iti nasao a pasamak nga bigbigen iti kinapateg dagiti imbentor a Pilipino iti kagimongan a Pilipinas ken iti panagrang-ay ti ekonomia ti nasion, kuna ni Ramon Sumabat, provincial science and technology director ti Ilocos Sur.

Kinunana nga iti RICE 2019 ket maitampok iti eksibision dagiti imbension, utility models, industrial design, ken creative research.

Dagitoy iti trabaho dagiti managsirarak (researchers), estudiante iti high school ken college iti rehion nga posible nga mangsungbat kadagiti kasapulan iti komunidad ken intero a pagilian.

Dagiti lugar ti panagsirarak ket iti agriculture, forestry, natural resources, processing, energy, construction, transportation, health and medicine, information and communications, electronics, ken dadduma pay a natural sciences.

Dagiti makipaset iti RICE ket manipud iti uppat a probinsia iti rehion – Ilocos Sur, Ilocos Norte, La Union ken Pangasinan, ken bisbisita manipud Metro Manila.

Dagiti aktibidad inton Oktubre 15 ket karaman iti opening ceremonies sadiay Center for Culture and the Arts nga idanguluan ni DOST Regional Director Dr. Armando Ganal ken Engr. Edgar Garcia, director iti DOST-Technology Application and Promotion Institute (TAPI); panaglukat iti exhibits sadiay Candon Civic Center, judging iti entries, robotics workshop ken kompetision nga agibus inton Oktubre 17; ken training ti basic research proposal preparation para kadagiti STEM teachers nga agibus inton Oktubre 16.

Dagiti aktibidad inton Oktubre 16 ken karaman ti invent school program seminar workshop para iti elementary level nga agibus inton Oktubre 17; forum para iti TAPI programs para kadagiti imbentor ken managsirarak ken iti teknolohia, ken forum iti IP programs para kadagiti imbentor ken managsirarak.

Inton Oktubre 17, maaddaan iti maysa a seminar iti Techno Transfer Law, ken awarding iti robotics competition winners, ken 2019 Division Invention Contest and Exhibits (DICE) winners.

Libre iti sumrek ti tallo-nga-aldaw nga aktibidad. Kinuna ni Sumabat nga maidagadag kadagiti makipaset a agparehistro sadiay https:// events.dost.ph/rice. Kunana nga dagiti estudiante iti Philippine Science High School Region 1 Campus iti sidong ti DOST ket aktibo nga makikappon iti nasao a pasamak. Iti pagadalan ket mabirukan sadiay San Ildefonso iti first district ti probinsia.

ICR-PIA-IS/PMCJr.-ABN