Kampania para 2019 ‘Oplan Iwas Paputok’ inrugin ti DOH

December 16, 2019 Headlines

SIUDAD TI DAGUPAN – Gapu ti panggep nga ibaba dagiti insidente nga mainaig ti paputok daytoy a tiempo ti panagraragsak, inrugin ti Department of Health (DOH) idi Disyembre 5 iti 2019 kampania para “Oplan Iwas Paputok” ditoy a siudad.

Kinuna ni DOH Secretary Francisco Duque III nga panggep iti kampania nga paregtaen manen iti panakaamo dagiti epekto ti firecrackers ken fireworks iti biag ken sanikua kasta met allukuyen iti publiko nga mangusar iti alternatibo a banbanag tapno malappedan iti panakadunor gapu iti paputok.

“Sa pamamagitan ng kampanya, nais ng DOH maimulat muli ang mga Pilipino sa masasamang dulot ng paggamit ng paputok lalo na sa mga kabataan. Layon din ng kampanya na walang masasaktan o maaksidente sa paggamit ng paputok at magkaroon ng pagdidiriwang ng isang ligtas at masayang Pasko at Bagong Taon,”kuna ni Duque bayat ti panagsaritana.

Kuna ni Duque nga ita a tawen, panggep ti DOH iti “zero casualties”. Imbagana nga babaen ti Executive Order (EO) No. 28 ni Presidente Rodrigo Duterte wenno iti Regulation and Control of the Use of Firecracker and Other Pyrotechnic Devices, nakita nga addaan panagbaba dagiti insidente nga mainaig ti paputok idi 2018 kumpara iti 2017.

Kuna ni Duque nga idi 2018 dagiti insidente ket bimmaba iti 34 porsiento nga addaan 340 kaskaso kumpara iti 550 kaskaso nga nailanad idi 2017. Kunana nga iti National Capital Region iti addaan kangatuan a kaskaso ti insidente nga addaan panakainaig ti paputok nga sinaruno ti rehion ti Ilocos.

Iti kabukelan a biang ti kaskaso idi 2018, 52 iti nairecord manipud Region 1.

“Youth aged five to 14 years have the highest number of cases of firecracker-related injuries,” kuna ni Duque, nga innayonna nga kaaduan dagiti nai-record a dunor ket gapu iti kwitis, lusis, piccolo, boga, and triangle.

“Ipagdiwang natin ang Pasko at Bagong Taon ng ligtas sa pamamagitan ng pagkalampag ng mga kalan at balde, magsagawa ng street dancing, palakasan ng volume ng videoke, magsagawa ng mga parada at lantern contest, at makiisa sa community sa fireworks display,” kuna ni Duque.

Kasta met, inallukoy ni Duque iti amin a local government units nga mangipasa iti lokal ng oridnansa kontra iti panagusar iti foreworks maiyanatup iti EO 28.

Iti kampania ita a tawen ket nangrugi iti maysa a motorcade ken naka-angkla iti tema a : “Iwas Paputok, Iwas Putol, Community Fireworks Display ang Patok”.

EMSA/PIA Pang/PMCJr.ABN