Kualipikado a PUV drivers iti Rehion Ilocos nakaawat ti SAP

September 19, 2020 Headlines

SIUDAD TI SAN FERNANDO, La Union – Nangrugin a makaawat dagiti kualipikado a public utility vehicles (PUV) drivers iti Rehion Ilocos iti cash subsidy iti sidong ti Social Amelioration Program (SAP) ti gobierno.
Kinuna ni Darwin Chan, regional information officer ti Department of Social Welfare and Development (DSWD) Field Office 1 nga agadup 7,903 driver beneficiaries iti rehion nga inindorso ti Land Transportation Franchising and Regulatroy Board (LTFRB).
Kaadwan dagiti nakaawat ket manipud Pangasinan nga addaan 3,722 benepisario; La Union 1,901; Ilocos Norte 1,589; ken Ilocos Sur nga addaan 691.
“From Aug. 22 to Sept. 12, a total of 485 beneficiaries received their cash assistance,” kuna ni Chan. Innayonna pay a, “Each eligible beneficiary received Php5,500.00 which is based on the regional minimum wage.” Agingga ita, 327 a nakaawat ket manipud Ilocos Norte, 86 manipud La Union, ken 72 manipud Ilocos Sur.
Kasakbayanna, kinuna ni Atty. Anabel Nullar-Marzan, LTFRB-1 chief transportation development officer nga tapno ma-qualify para iti nasao nga tulong, iti driver wenno sino kadagiti miembro ti pamiliana ket nasken a saan nga nakaawat iti aniaman a tulong manipud sabali-sabali nga ahensia ti gobierno.
“Ang layunin nito ay para naman hindi madoble ang kanilang mga benepisyo at para lahat ng nangangailangan ay mabigyan ng ayuda,” kuna ni Marzan.
Iti cash subsidies dagiti driver ket naiwaras babaen iti digital scheme kadua iti DSWD ti Financial Service Providers kasta met babaen dagiti branches ti Land Bank of the Philippines. Iti agdama, iti dagup nga gated iti naited kadagiti diver iti rehion ket PhP2,667,500.00.
JPD-PIA LU/PMCJr.-ABN