La Union madusa dagiti mangirurumen iti COVID-19 suspek, Healthworkers

April 12, 2020 Headlines

STO. TOMAS, La Union – Nangiruar iti lokal a gobierno ti Sto. Tomas ti Executive Order No. 14s. 2020 nga mangiparit ken mangdusa iti aniaman nga panangidumduma wenno panangrurumen nga aramid kontra kadagiti persons under investigation (PUIs), persons under monitoring (PUMs), and health workers ken kaaspingna iti daytoy nga ili.
Daytoy a deklarasion ket inruar ni Mayor Severino Carbonell idi Abril 6 maitunos iti rekomendasion ti Inter Agency Task Force (IATF) nga mangipaulog kadagiti umno nga bilin iti panangimaton iti coronavirus disease (COVID19).
Kas iti nabiit nga naireport iti nasional a telebision, adda dagiti kaso nga pisikal nga naatake dagiti frontline workers ken kasta met dagiti immimbag iti COVID-19 nga pasiente ket napaidaman dagiti opisyal ti barangay wenno kasera nga makastrek kadagiti pagtaenganda wenno pagdagdagusanda.
Iti daytoy, inyebkas ti IATF iti unay a panangkondenar kadagiti kita iti diskriminasion kas panangpilit (coercion), libelo, panangpardaya (slander), pannakadangran (physical injuries), ken saan nga panangbigbig kadagiti obligasion nga kontrata kas iti kontrata ti pannakaabang wenno trabaho.
Iti Section 1 ti bilin ket kunana daytoy, “The IATF on Emerging Infectious Diseases in the Philippines denounce in the strongest terms of acts of discrimination inflicted upon healthcare workers, overseas Filipino workers, PUIs, PUMs and recovered COVID-19 patients.”
Aniaman nga aramid a diskriminasion iti uneg ti munisipalidad ket mainanamongan iti sibil, kriminal wenno administratibo a darum iti lokal a gobierno.
Binilinan ni Mayor Carbonell amin nga Punong Barangay iti masakupanna nga pagtalinaedenda iti nainget nga pannakapaipatungpal iti bilinna.
CGRC-PIA-LU/PMCJr.-ABN