Pag-atake ng NPA sa Kalinga, kinondena ng Cordillera police chief

January 10, 2019 Provincial

LUNGSOD NG BAGUIO – Maigting ang naging pagkondena ng director ng Police Regional Office Cordillera sa ginawang paglusob ng mga itinuturing
na Communist New people’s army Terrorists (CNTs) sa isang active auxiliary patrol base ng Citizen Armed Force Geographical Unit (CAFGU) sa Uma, Lubuagan, Kalinga.
“PROCor condemns to the highest degree the treacherous harassment and burning perpetrated by CNTs to the CAA Patrol base in Agagama, Uma, Lubuagan, Kalinga, early dawn of December 23, 2018. The CNT’s have been sowing fear and civil disturbance for the last 50 years,” ayon sa pahayag
na inilabas ni Regional Director PCSupt. Rolando Z. Nana noong Disyembre 24.
Aniya, ang NPA ay naglunsad ng mga pag-atake sa mga tropa ng gobyerno sa Region 5, 10 at ngayon naman ay sa Cordillera, maliban pa sa
pamamaslang ng mga naglilingkod sa gobyerno at mga miyembro ng Armed Forces of the Philippines at kapulisan na nagsisilbi at nagpoprotekta sa komunidad.
“They have shown their true color by violating the ceasefire they themselves declared. This is a manifestation that the Communist NPA Terrorists(CNTs) are not sincere in pursuing peace,” dagdag ni Nana.
Ang PROCor ay magsisikap na makatulong sa paghahanap ng hustisya para sa pagkamatay nina Sgt. Elon Bayang, ang CAA Cadre, at pagkakasugat ng tatlo pa.
“Their acts of gallantry, even to the extent of giving up their lives to defend their base, inspire us more,” ani Nana.
Inihayag nito na maging sa bahagi ng NPA ay may naibuwis ding buhay, “lifeless body of Commander/Squad Leader Roy Tongdo a.k.a Rex from Balbalan, Kalinga, was left behind by those whom he believed that would fight side by side with him to death. Indeed the CNT’s are just after their communistic goal at the expense of their breathren.”
Hinimok ni Nana ang lahat ng Cordilleran upang tumulong sa pagsugpo sa terorismong inihahasik ng CNTs sa pamamagitan ng pag-uulat sa kanila at hindi pagsuportsa sa anumang aktibidad nila.
Kaugnay nito, ang detachment commander ng CAFGU na si Bayang ay napaslang matapos ang tinatayang 15 minutong pakikipagbarilan sa mga miyembro ng NPA noong Disyembre 23 sa Barangay Uma, Lubuagan, Kalinga.
Ayon kay Supt. Pelita Tacio, information officer ng PROCor, humigit-kumulang 30 rebeldeng NPA ang lumusob sa naturang CAFGU patrol base dakong ika-4 ng madaling araw.
“The government troops defended the base but were overpowered and the base commander was killed,” ani Tacio.
Samantala, ayon sa impormasyon, kinuha ng tribal members ng Lower Uma ang kustodiya sa katawan ni Bayang bilang bahagi ng kanilang tradisyon. Ang naturang tribo ay may peace pact sa tribo ni Bayang.
Ang katawan naman ng nasawing miyembro ng NPA ay inilagak pansamantala sa barangay hall ng Western Uma.
Ang mga nasugatang CAFGU members na kinilalang sina Bal-iwang Gacayon, Julio Codiam, at Benedict Lingayo ay pawang dinala sa Kalinga Provincial Hospital.
Dagdag ni Tacio, ninakaw ng mga NPA ang ilang armas ng tropa ng gobyerno bago tuluyang tumakas.
“Ongoing po ang hot pursuit operation natin and we will not stop until we make them [NPA] responsible for the death of the base commander,” pahayag naman ni Maj. Jefferson Somera, chief ng Fifth Infantry Division (5ID) Public Affairs Office (DPAO), sa pamamagitan ng hiwalay na panayam sa telepono.
Sinabi ni Somera na inilahad ni 5ID commander Maj. Gen. Perfecto Rimando na ang pag-atake ng NPA ay nagpapakita lamang na ang pansamantalang kapayapaan o tigil-putukan na ipinahayag ng rebeldeng grupo ay walang katapatan.
“They are celebrating their 50th anniversary by sowing terror in the community and causing disturbance, which is really a bad way of celebrating,” ani Somera.
Dagdag pa nito na ang AFP ay naka-full alert at iniutos sa lahat ng detachments na maging mapagmatyag ngunit ang CAFGU patrol base sa Lubuagan, Kalinga ay sadya lamang na nalupig ng mga umatakeng NPA.
“Lumaban ang mga tropa natin but unfortunately, they were overpowered. The base commander sacrificed his life to defend the base,” panaghoy ni Somera.
May ulat sina L.AGOOT, D.DENNIS JR., at J.MAGUIYA/PNA/ABN