Panagibunong ti SAP iti rehion Ilocos dandanin malpas

May 24, 2020 Headlines

SIUDAD TI SAN FERNANDO – Dandani mairingpas ti Department of Social Welfare and Development sadiay Ilocos (DSWD-1) iti panagibunong ti tulong a pinansyal iti sidong ti Social Amelioration Program (SAP) kadagiti amin a puntirya nga benepisaryo iti rehiyon.
Impakaammo ni Marcelo Nicomedes Castillo, regional director ti DSWD Field Office 1 nga 772,150 kadagiti 819,594 SAP beneficiaries sadiay rehion ti Ilocos iti nakaawat ti tulong pinansial nga aggatad iti agarup 4.2 bilyon pesos, maipatarus nga 97.32 porsyento a pannakalpas.
Agingga Mayo 19, adda 108 iti 125 local government units (LGUs) iti rehiyon nga naipalpasdan iti panagibunongda iti SAP. Iti daytoy, 45 LGUs iti nangisumitiren ti liquidation reportda.
“Sa mga LGU nakakompleto na sa pamamahagi ng SAP, magsisimula na po ang validation na gagawin ng ating departamento kasama po ang Department of the Interior and Local Government, Philippine National Police, at Armed Forces of the Philippines,” kuna ni Castillo.
Kinunana nga iti pammasingked kadagiti nakaawat ti SAP ket napateg gapu iti daytoy maammuan iti pannakadoble ti tulong para iti maysa nga umawat ken pannakatingiting nu kualipikado dagiti benepisyaro iti nasao nga tulong pinansial.
Kada probinsya, adtoy iti bilang dagiti benepisario nga nakaawat iti tulong pinansyal : 103,123 sadiay Ilocos Sur; 144,938 sadiay La Union; 431,647 sadiay Pangasinan; ken 92,442 sadiay Ilocos Norte.
Kasta pay, imbagana na nga inrugin iti opisinada ti pannakaipaskil iti listaan dagiti nakaawat ti SAP iti official websiteda para iti biang ti kinadalus.
Kabayatanna, imbaga ni Castillo nga urayenda pay iti pagannurutan manipud Opisina iti Pangulo maipanggep iti pannaka-release iti second tranche iti SAP.
Kasta met, idi Mayo 20 edision iti Laging Handa Network Briefing, imbaga ni DSWD Secretary Rolando Bautista nga iti panangibunong iti intero pagilian ket 96.49 porsiento nga nalpasen nga nasurok 17.36 milion iti 18 milion nga benepisario ti SAP iti nakagun-od iti tulong pinansial iti sidong ti Bayanihan to Heal As One Act.
JTQ-PIA-1/PMCJr.-ABN