Population, Housing 2020 census nangrugin

September 5, 2020 Headlines

SIUDAD TI LAOAG, Ilocos Norte – Agsaganan para dagiti enumerators manipud Philippine Statistics Authority (PSA) nga agtuktok kadagiti ruangan wenno ridawyo para iti 2020 Census on Populaytion and Housing (CPH) nga nangrugi idi Martes, Setiembre 1 nga maaramid iti intero a pagilian.
Nakauniporme dagitoy nga enumerators, identification card, addaan clipboards, envelop nga napunno iti questionnaire sheets, ken mas importante ket nakakawesda iti personal protective equipment kas iti face masks ken face shields.
Sadiay Ilocos Norte, puntiria a bilang iti sangkabbalayan nga mabinsabinsa ket 144,512 iti dagup 23 nga ili. Kada survey kada sangkabbalayan ket maiturpos iti las-ud 15 angingga 30 minutos nga addaan rupanrupa nga interbiu.
Impasigurado iti PSA iti umili ti naan-anay a kinakompidensial ti impormasion nga makalap manipud iti nakuna a census.
“This is so far the most challenging census that we will undertake because of the coronavirus disease 2019 (COVID-19) pandemic but we are putting the safety of our enumerators as priority,” kuna ni Marilyn Vergara, chief statistical specialist.
Innayonna, “From the training of the enumerators, we have abided by the guidelines of the provincial government and all the minimum health protocols required.” Nu iti rupanrupa nga interbiu ket saan a mabalin gapu ti partikiular a sitwasion iti lugar, aramiden ti enumerators iti sabali nga alternatibo a pamay-an ti panagurnong ti impormasion kas iti maysa self- administered questionnaire ti mainterbiu usar iti telepono wenno cellphone, ken panagurnong ti impormasion babaen ti online.
Kas ibagbaga iti tema “Sama na, Census Na!”, ibilangyo iti sangkabbalayanyo iti daytoy a tawen nga Census of Population and Housing.
(JDS/PIA LU/PMCJr.-ABN)