Restriksyon a panglapped ti iseserrek ti baro a COVID-19 variants iti Ilocos Sur naiproklamar

February 6, 2021 Headlines

SIUDAD TI VIGAN, Ilocos Sur – Gapu iti pannakatakuat iti baro a kaskaso ti COVID-19 United Kingdom (UK) variant B.1.1.7 ditoy pagilian, improklamar ni Ilocos Sur Governor Ryan Luis V. Singson iti tallo nga Executive Orders (EO) idi Enero 30 nga mangmangted iti restriksion tapno malappedan iti iseserrek ti nasao a variant ken/wenno sabali pay a variants ti COVID- 19 iti probinsia ken maipasigurado iti salun-at ken kinatalged dagiti amin nga Ilocos Surians.
Ibagbaga iti EO No. 10, series of 2021 dagiti pagannurotan para iti amin a Returning Overseas Filipinos (ROFs) nga aggapu kadagiti pagilian/luglugar nga addaan naireport a kaskaso ti B.1.1.7 ken/wenno South African variants nga maawagan B.1.351 nga sumrek iti probinsia.
Apaman a nakadanonda iti pagbeddengan, dagiti ROF ket mapalubosan a sumrek iti probinsia nu mangiparangda iti documentary requirements kas iti certificate manipud Bureau of Quarantine nga naleppasda iti 14-aldaw a quarantine period dagdagus a nakadanonda iti pagilian; negative RT-PCR test result; travel authority (malaksid nu naitulodda ti Overseas Workers Welfare Administration/Department of Transportation wenno aniaman a tumultulong nga ahensia ti gobierno); ken certificate of acceptance wenno proof of coordination iti local government unit (LGU) a pagnanaedanda.
Mapalubosanda nga maipasidong iti nainget a home quarantine basta naragpatda dagiti kalikagum ngem mabilinanda a dumalanda iti RT PCR test iti maikalima nga aldaw a isasangpetda iti probinsia.
Nu nagpositibo iti resulta ti RT-PCR test, iti ROF ket maitulod iti maysa nga isolation facility. Iti maysa nga ROF nga saan a makakumpleto iti 14-aldaw a quarantine apaman a nakagteng ditoy pagilian ket maitulodda iti maysa nga isolation facility ti LGU a lugar ti pagnanaedanda ken iringpasda iti nabatbati nga aldaw ti quarantine.
Iti maika-14 nga aldaw ti quarantine, ti ROF ket maipasidong ti RT-PCR test – nu nagnegatibo iti resulta, iti ROF ket mabalin a maitipon manen iti komunidad, ta nu saan, maikabil isuna iti maysa nga isolation facility nga maalaan iti samples para genomic sequencing.
Mainayon pay, uray nu iti maysa nga ROF ket naragpatna iti amin a kalikagum, nu nagbiahe kakuyogna dagiti sabali nga ROFs nga saan nga nakakumpleto iti 14-aldaw a quarantine period, maitulod daytoy iti isolation facility ti LGU nga pagnanaedanna ken maipasidong iti 14-aldaw a quarantine.
Iti kumpirmasion iti kaskaso ti COVID-19 UK variant sadiay Cordillera Administrative Region (CAR), improklamar ni Governor Singson iti EO No. 11 a temporario ng a mangsuspinde iti panangited ti travel authority ken upayen dagiti umili ti Ilocos Sur nga agbiahe sadinoman a lugar iti nasao a lugar tapno maliklikan iti posible a pannakaakar ti virus. Iti nasao nga EO ket aplikable kadagiti non-Authorized Person Outside of Residence (APORs) travelers.
Kanayonna, improklamar ni Governor Singson iti EO No. 12 a temporario nga panagserra dagiti pagbeddengan ti munisipalidad ti Cervantes, Ilocos Sur nga mangikonkonektar kadagiti probinsia ti Ilocos Sur, Mountain province, ken Benguet tapno maliklikan iti panagwaras iti COVID-19 UK variant.
Iti Commilas North Border ken Aluling Border Quarantine Checkpoints ket temporario a nakaserra kadagiti amin a tao ken lugan epektibo Enero 30. Imbaga ni Governor Singson nga dagitoy nga EO ket kanayonnan ti nadumaduma nga interventions, adding, ken pagannurotan nga ipatpatungpal ti provincial government nga manglapped iti panagwaras iti COVID-19 iti probinsia.
Inulit na pay iti publiko iti nainget a isusurotda iti minimum health standards kas iti panagusat ti face mask iti amin a panawen ken suruten iti physical distancing nu adda iti ruar ti pagtaengan.
(JMCQ-PIA IS/PMCJr.-ABN)