Sus Maria kusina, dust pan ken walis award… onli en da Filipins!

September 11, 2017 Opinion Sirmata ken Tagtagainep ni Mang Gusting

Halo, haloo, patgen mi a kakailian, sadino man a suli ti lubong ti ayan yo a makabasa ditoy kolum tayo naimbag nga orasyo amin nga awan malabsan. Ket no dakami met ti kas yo damagen a ket kaasi ti Apo, adtoy di pay met la nagurnos dagiti sakami.

Ania ti madamag kadagiti nadayaw a luglugar yo kailian mi ida? Ala, pagyamanan tayo laeng ta awan dagiti nakaro a didigra a nangbasnot kadatayo saan a kas iti America a nagsasaruno dagiti huricane a kunada, super bagyo koma no ditoy ayan tayo. Isu a ditay koma makaliplipat ken Apo Dios, agkiddaw tayo koma a kanayon iti kaasi ken bindisyonna. No kasta nga adda met paraburna agyaman tayo, saan ket nga ammotayo laeng ti Dios no agpeggad tayon.

Nagkas-ang kailian ti napagteng idiay Mexico, agasem ta point 8.0 a kapigsa ti ginggined ti nangdalapus idiay. Idi 1990 a napasamak ti kapigsaan a ginggined ti pakasaritaan ti Baguio City a no sadino ket 7.8 sa itay no ditay nagkamali ti kapigsana, makapasuron dagiti dadduma a kailian tayo idi, ammoda met la gayam ti agkararag no kasdiay a dumteng ti kalamidad…agpaklepakleb da pay. Ngem, idi nalpas isu manen tay kinalongat nga aramid da. Hay naku talaga…

Adu kailian a ditay maar-aramid a kalokuan ken kinalongat ngem inton sumangbay ti didigra, mabuteng tayo met la gayam a matay, hahaha, isu a dakayo agaramid kayo iti nasayaat ken inoras kayo nga agkiddaw iti pammakawan ti Apo ta no dimteng a pettat ni kumpay ni patay kadakayo, uray kaskasano nakapagkiddaw kayo pay iti pammakawanna.

Saan kadi a pudno ti kinunami, kailian? Isu a dakayo a managbasol, agbabawi kayon sakbay a maladaw ti amin. Nupay awan ti tao a di nagbasol a kunada ta adda ka pay laeng iti tiyan ni nanangmo wenno sikognaka pay laeng sibabasol kan iti basol a tawid. Ngem, saan a ti basol ti tunggal tao ti intay man ikkan pategna kailian. Idi napalabas a September 1, daytoy a tawen, narambakan ti makuna a 108 years a kasangay ti siudad ti Baguio City. Kayong Angkuan, nupay nagtodo natuloy latta dagiti dadduma a paset ti programa. Adu dagiti napadayawan, individual man wenno barangay. Kas koma ti makuna a kabaketan ta nadanunna ti 100 years ket naikkan pay iti insintibo iti cash, sagudayen ti  programa ti gobierno a maikkan iti 100 thousand pesos ti asino man a makadanun iti 100 years old.

Ngem unayen a nagkas-ang a panunoten, kailian, nangruna iti nakaawat iti daytoy nga award, dakayo, husto nagata ti inaramid ti siudad nangruna dagiti organizer ti award wenno awarding committtee a no sadino ket adda barangay a nakaawat iti award a dust pan ken walis award? No sika ti punong barangay wenno chairman ti nasao a barangay, mapanmo pay laeng awaten dayta a pammadayaw?  Sus no siak la ngata, pakpakawan berde, agawidak laengen ta mapanak agmula iti kamote, yaayyyyyyy.

Ala sakbay nga ikkannatayo met iti binalsig award ni Sofing, agawidakon Kayong. Dakesen, nalaka aya ti matil-olan wenno mapang-or ti lulonanna abusta awan buokna. Ala, kasta nagruden, till we meet again. Babayo, tsuptsupmuamuah.