Tourism officers’ convention maangay sadiay Ilocos Norte

April 20, 2019 Community Billboard

SIUDAD TI LAOAG, Ilocos Norte – Para iti umuna nga gundaway, maangay sadiay probinsia ti Ilocos Norte iti 20th National Convention of the Association of Tourism Officers of the Philippines (ATOP) manipud Oktubre 2-5 daytoy a tawen.
Mapatta-patta nga 1,500 tourism officer manipud local government unit (LGU) iti intero a pagilian ti manamnama nga tumabuno.
Segun ken ni Provincial Tourism Officer Ianree Racquel, limmabas ti probinsia iti nainget nga proseso tapnu agbalin nga host iti national convention babaen iti maysa a signified interest, ocular inspection, and interview presentation.
“Umuna, impasimudaag mi iti panggep mi nga mangsangaili. Addaan iti panagsukimat iti lugar ken interbiu a presentasion agraman dagiti tourism officers manipud naduma-duma nga munusipio,” kuna ni Racquel.
Maysa kadagiti tampok iti nasao nga taripnong ket iti Pearl Awards, maysa a pammigbig para iti LGU nga addaan ti best tourism practice.
“Daytoy ket maaramid sadiay Paoay Church. Kasta met, maaddaan iti immersion tourism ken ipalgakmi dagiti nagkauna nga destinasion iti Ilocos Norte kasta met a kas baro a rumrumkuas nga destinasion,” innayonna.
Iti madama, maisaysayangkat iti koordinasion ti Ilocos Norte Tourism Office ken ATOP national board para iti program logistics, guest speakers, kasta met ti security ken accommodation plans.
Para iti gobierno ti probinsia, maysa daytoy nga kanayonnan nga gapuanan ti probinsia kalpasan iti naballigi nga panangsangaili iti Region 1 Athletic Association Meet idi Marso.
“Siraragsak kami iti panangsanagbay kadakayo amin ditoy probinsia ken mapadas yo iti nabara nga panangsangaili dagiti Ilocano,” kuna ni Senior Board Member Matthew Marcos Manotoc.
Idi 2018, naiyawid ti Ilocos Norte iti umuna nga tropeo iti Best Tourism-Oriented LGU category iti Pearl Awards nga naangay sadiay Cagayan De Oro City.
 
PIA 1/PMCJr/ABN